Berdevkê Yekîtî bang li UNAMI dike ku piştgiriya lidarxistina hilbijartinên dadmend li herêmê bike

PUKMEDIA

Saidî Pîre û şanda nûnertiya Neteweyên Yekgirtî li Êraqê

Îro duşemê 19/8/2024ê li bajarê Hewlêrê, Seidî Ehmed Pîre Berdevkê Yekîtiya Niştimanî ya Kurdistanê pêşwaziya şandeke nûneratiya Netewên Yekgirtî li Êraqê (UNAMI) bi serokatiya berpirsê UNAMI li Herêma Kurdistanê Francic Lanao kir.

Berpirsê UNAMI li herêmê amadehiya xwe ji bo hemahengî û hevkariyê nîşan da, ji bo serxistina proseya  hilbijartinên dahatû, hêvî xwest ku pêngafên hilbijartinan di rewşwkw aram de birêve biçe.

Ji aliyê xwe ve, Seidî Pîre amaje bi rol û bandora nûneratiya Netewên Yekgirtî di heyama borî de kir, bi taybetî di hilbijartinên Herêma Kurdistanê de ku berdewam çavdêr û rahêner hebûn û ew jî di encamdan û serkeftina hilbijartinan de bûn.

Berdevkê Yekîtiya Niştîmanî hêvî xwest ku UNAMI ji bo serxistina hilbijartinên bê yên Parlamentoya Kurdistanê, bi pêşkêşkirina rênimayiyên pêwîst û zanyariyên rast li ser çawaniya lidarxistina hilbijartinên dadmend û şefaf, piştgirî û alîkariyê bike.

PUKMEDIA