Serokkomarê Iraqê wê serdana Kerkûkê bike

Malpera Serokatiya Komara Iraqê

Letîf Reşîd, Serokomarê Iraqê

Biryar e di demeke nêzîk de li gor ku jêderekî ji serokatiyê ragihand, Serokomarê Iraqê Letîf Reşîd wê serdana Kerkûkê bike  ji bo dupatkirina piştgiriya  xwe bo hikûmeta herêmê. Serokkomar berê serdana Kerkûkê red kiribû ji ber ku parêzgarê berê bi gelek dosyayên gendelî û neqanûnî hatibû tohmetbarkirin.

Parêzgarê  berê dosyaya gendeliyê hebû

Cîgirê Serokê Ofîsa Serokomariya Iraqê Ezadîn Mecîd Mihemed ji malpera fermî ya Yekîtiya Niştimanî ya Kurdistanê (PUKMEDIA) re ragihand;"Serokomarê Iraqê Dr. Letîf Cemal Reşîd di heyama du salên borî de serdana parêzgeha Kerkûkê nekiribû, ji ber ku wî red kir ku ligel parêzgarê Kerkûkê yê desthiladar Rakan Cibûrî bicive, ji ber ku wî gendelî û çendîn binpêkirin li dijî pêkhateyên wî bajarî kiriye."

Ezadîn Mecîd Mihemed: "Serokomarê Iraqê dê di demek nêzîk de serdana parêzgeha Kerkûkê bike û piştgiriya  xwe ji bo parêzgar û encûmena nû ya parêzgehê diyar bike û çareserkirina pirsgirêkan, pêkve jiyan û aştiyê li wî bajarî wek karekî giring daye zanîn û dê piştgiriya hikûmeta herêmê bike."
Serokatî tekezî li ser cîbicîkirina madeyê dike

Serokatî tekezî li ser cîbicîkirina madeyê dike

Serokomarê Iraqê piştgiriya xwe ji bo cîbicîkirina maddeya 140ê ji bo parlamento û partiyan nîşan da û nameyek ji Serokê Komîteya Bilind a Maddeyê re şand.

Cîgirê Serokê Ofîsa Serokomariyê herwiha got: “Hemû parêzgehên Iraqê ji bo serokomar girîng in, lê Kerkûk ku weke Iraqeke kêmkirî ye, helbet giringtir e û di vî warî de jî dê hewl bide pirsgirêkên parêzgehê di çarçoveya destûrê de çareser bike û madeyê cîbicî bike."Serokkomar piştgiriya betalkirina biryarên Dadgeha Sewre û cîbicîkirina madeya 140 dike, ji bo vê yekê di rojên derbasbûyî de nameyek ji Serokê Komîteya Bilind a Maddeyê Hadî Amirî re şand."

 Serokkomar piştgiriya xwe jî ji bo cîbicîkirina maddeya 140ê ya ji bo vegerandina mafên qurbaniyan û başkirina peywendiyên di navbera Hikûmeta Herêma Kurdistanê û Iraqê li navçeyên nakok de nîşan da.
Letîf Reşîd di 13ê Cotmeha 2022an de ji aliyê Parlamentoya Iraqê ve wek serokomarê Iraqê hat hilbijartin.Ji ber ku Kerkûk parêzgarekî ferzkirî hebû, serdana wî bajarî nekir û niha jî ku parêzgeh parêzgar û encûmenek nû dibîne, biryar e serokomar serdana wî bajarî bike û ji wan re ji piştgiriya  xwe piştrast bike.

PUKMEDIA