Êraq,ê beşek ji mûçeyên heyva Tîrmeh`ê bo Herêma Kurdiatan`ê şand

PUKMEDIA

Diravê 50 hezar Dînarê Êraqî

Îro roja Sêşemê, piştî derbazbûna zêdetirî 50 rojan, Wezareta Darayî ya Hikûmeta Federal dest bi şandina mûçeyên fermanberên Herêma Kurdistan`ê yê meha Tîrmeh ya 2024an kir.

Çavkaniyekî ji bo malpera fermî yê Yekîtî ya Nîştimanî ya Kurdistan`ê ( PUKMEDIA) ragihand ku: Wezareta Darayî îro roja Sêşemê dest bi şandina beşek ji mûçeyên heyva Tîrmeh ya sala 2024 an yên mûçeyên mûçexwerên herêma Kurdistan`ê ku zêdetirî 550 Milyar Dînar in kiriye, û biryare zêdetirî 400 Milyar Dînarên din jî bişîne û bi vê yekê şandina tevaya mûçeyên heyva Tîrmeh`ê bi dawî dibe.

Wî çavkaniyê aşkere kir ku, Wezareta Darayî ya Federalî kojmê 558 Milyar Dînar veguhestiye ser hesabê Wezareta Darayî ya Herêma Kurdistanê; û biryare îro pareyên mayî yên mûçeyên fermanberan jî bigihêjin Herêma Kurdistan`ê.

Endama komîteya Darayî ya Parlemanê Dr.Nermîn Marûf ji PUKMEDIA re ragihand: Diviyabû ev pare demeke dirêj bihatana, lê ji ber hin rêkarên îdarî û kontrolkirina mûçeyên fermanberan hatin paşdaxistin.

Dr.Nermîn Marûf Got jî: Di dema civîna me ya dawîn digel wezîra darayî, wê ji me re gotibû ku di demek nêzîk de mûçeyên fermanberan dê bên dayîn, lê ji ber hindek rêkarên îdarî, dayîna mûçeyên meha Tîrmeh,ê paşda ketiye.

Şandina beşek ji mûçeyên heyva Tîrmeh ya mûçexwerên herêmê ji aliyê Wezareta Darayî ya Êraq`ê ve di demekê de ye ku,Wezareta Darayî ya Herêmê zêdetirî 35 rojane lîsta mûçeyên heyva 7`ê ji bo Wezareta Darayî ya Êraq`ê şandiye, hevdem 52 roj in jî mûçexwerên herêmê mûçeyên xwe wernegirtine.

Li gor zanyariyên PUKMEDIA şandina mûçeyên vê heyvê bi biryara serok wezîrên Êraq`ê bûye, ne di çarçoveya çareserkirina pirsgirêkên di navbera herdû wezaretên Darayî ya Êraq û herêmê û rastkirina pirsa mûçeyan de bûye.

PUKMEDIA