Talebanî: YNKê ji bo serastkirina rêbaza hikûmetê biryar daye

Ofîsa Çapemeniyê ya Qubad Talebanî

Birêzan Qûbad Talebanî, Sarkawt Zekî û Luqman Wardî

Berpirsê Ofîsa Sekreteriya Serok Mam Celal, Qubad Talebanî bi amadebûna Rêheval Serkawt Zekî Berpirsê Buroya Rêxistinê û Luqman Werdî Berpirsê malbenda Raperîn a YNK’ê bi endamên malbenda Raperîn a YNK’ê re civiya.

Di civînê de ku roja 28.08.2024ê hat lidarxistin, rewşa siyasî ya navçeyê û amadekariyên civîna bê ya hilbijartinên Parlamentoya Kurdistanê hatin gotûbêjkirin.

Qubad Talebanî amaje bi giringiya hilbijartinên niha yên parlamentoyê kir û ew hilbijartin wek hilbijartineke diyarker ji bo YNK û pêşeroja rêveberiya Herêma Kurdistanê wesif kir.

Di vê çarçoveyê de, Qubad Talebanî got ku di van salên dawî de YNK bi serokatiya Serok Bafil Celal Talebanî bi hevkariya hemû serkirde û kadroyên YNKê îsbat kiriye ku yekane hêz e ku bikare guhertinên daxwaza gelê Kurd pêk bîne.

Her wiha got: Beşek berçav ji xelkê herêma Kurdistanê gihiştine wê baweriyê ku YNKê kariye hevsengiya hêzê vegerîne û biryara serrastkirina rêbaza rêveberiyê daye.

Berpirsê Ofîsa Sekreteriya Serok Mam Celal, Qubad Talebanî got ku lîsteya dengderan hatiye paqijkirin û ti aliyek nikare sextekariyê li ser navê miriyan bike, lewma em hêviya hilbijartineke paqij û dadmend dikin û li hêviya serkeftineke mezin in.

 Di beşeke din ya civînê de, Qubad Talebanî rewşa niha ya YNKê ji beşdarên civînê re eşkere kir ku YNK hêzeke bibandor e li Kurdistan, Iraq û siyaseta herêmê de  û roj bi roj pêgeha wê bihêztir dibe.
“Niha girse, dost û heta dijberên YNKê li bendê ne ku serkeftinên ku li Kerkûk û deverên din di hilbijartinên Herêma Kurdistanê de hatine tomarkirin bi asteke mezintir dubare bikin.’’ Got

PUKMEDIA