Şêx Cefer: Di kabîneya nehan de bacên li ser xelq hatin zêdekirin

PUKMEDIA

Civînên YNKê bi Gel re

Berpirsê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) Şêx Cefer Şêx Mistefa got: “Di vê kabîneyê de, ku YNK jî bi awayekî aktîf beşdar nebûye, proseya xizmetguzarî û geşepêdanê hêdî dibe û bac jî li ser xelqê feqîr   hatine zêdekirin, ev jî bûye sedema nerazîbûna wan.

Îro 31 Tebaxê serokê Encûmena Parastina Berjewendiyên Bilind YNK û Endamê Mekteba Siyasî Refat Ebdullah bi amadebûna Ziyad Cebar  Serokê malbenda  rêxistina Silêmaniyê û Daban Şadala bi hejmareke zêde ya bazirgan û kasibkarên bajarê Silêmaniyê re civiyan û behsa rewş û astengiyên pêş kasibkaran kirin.

Şêx Cafer bi eşkere got: “Di kabîneyên hikûmeta Herêma Kurdistanê de kêm û zêde xizmetguzarî ji xelkê re hatiye kirin û xweşî gihîştiye piraniya navçeyên herêmê, lê belê di vê kabîneyê de ku YNK bi awayekî çalak beşdar nebûye, xizmetguzarî û geşbûn jî hêdî dimeşe.

Wî got: "Ne tenê me nekariye asankariya kasibkaran bikin, lê bac û xerc jî hatine zêdekirin, ev yek jî bûye sedema nerazîbûna wan û ji ber pirsgirêka mûçeyan jî zêdetir astengî li pêşiya hevrikî li  bazarê çêkiriye."

Serokê Encumena Parastina Berjewendiyên Bilind, tekez kir ku ji bo ji holê rakirina zordariya li ser bazirgan û karkeran bi giştî û çînên din, divê xebateke cidî ji bo guhertina hevkêşeyê bê kirin û pêkanîna hevsengiya siyasî û hikûmeteke gelerî ku bi rêya vê hilbijartinê vegere nav xelkê û bi awayekî rêk û pêk xizmeta wan bike û jiyana wan baştir bike.

Refaat Ebdullah anî ziman ku hemû pêkhateyên gel bi vê kabîneyê re pirsgirêk hene û pirsgirêka mûçe jî weke mînak nîşan da û da xuyakirin: “YNK hewl dide bi rêya Bexdayê çareser bike, lê astengî çêdibin. Her wiha got: "Piraniya şandên dîplomatîk ên navdewletî xema  xwe derbarê rewşa rêveberiya me de tînin ziman, ji ber wê jî divê em bi biryar hewl bidin ji bo guhertina rastiya siyasî ya herêmê."

PUKMEDIA