Serok Bafil: Em ê rastkirina rêbaz û hevsengiya hêzê bikin rastiyek

Rûpela Tayîbetî ya Serok Bafil

Civîna Encûmena Serkirdatiya YNKê

Encûmena Serkirdatiya Yekîtiya Niştimanî ya Kurdistanê (YNK) tekezî li ser gotara giran û eşkere ya YNKê li ser rastkirina rêbaza hukimdariyê û guhertina hevsengiyên hêz li Kurdistanê konkret dike. Serok Bafil Celal Talebanî mizgînî da gelê Kurd ku.“Siyaseta serrastkirina rê, hevsengiya hêzê û destpêkirina rêveberiyeke derbest bikine rastiyeke berçav’’.

Piştî civîna îro ya encûmena serkirdatiya Yekîtiya Niştimanî Kurdistan li Hewlêrê di daxuyaniyekê de hûrgiliyên civînê û mijarên jêrîn eşkere kir;

Serok Bafil Celal Talebanî bi serpereştiya civîna Encûmena Serkirdatiya Yekîtiya Niştimanî ya Kurdistanê (YNK) li Hewlêra paytexta Herêma Kurdistanê di civînê de pêşhatên dawî yên siyasî yên li herêmê, Iraq û navçeyê hatin gotûbêjkirin.

Di civînê de tekezî li ser guftûgoya giran û eşkere ya YNKê li ser rastkirina rêbaza desthilatdariyê û guhertina hevsengiyên hêzan li Kurdistanê hat kirin.

Serok Bafil Celal Talebanî di destpêkê de balkişand li ser rewşa siyasiya Kurdistan û Iraqê û siyaseta YNKê li ser wan û bi taybetî encamên peywendiyên me yên dîplomatîk ên pêşkeftî li ser asta Iraq, navçe û navdewletî de, ku ji bo gelê me destkeftên girîng in.

Serokê  YNKê eşkere kir ku serkeftina YNKê ya me û gelê Kurd, bidestxistina posta parêzgarê pêkvejîyan û xizmetguzariyê  Kerkûkê û beşdarbûn û şirîkatiya me di rêveberiya Mûsilê de serkeftineke mezin e. Divê em tiştekî bikin ku ev ruhê serketinê li seranserê Kurdistan û Iraqê belav bibe.Her wiha tekez kir ku, ev serkeftin berhema biryarbûn û yekrêziya me ye, divê em wan ji bo berjewendiya gelê xwe bikar bînin û jiyana wan baştir bikin.

Serok Bafil Celal Talebanî mizgînî da gelê Kurd ku.“Siyaseta serrastkirina rê, hevsengiya hêzê û destpêkirina rêveberiyeke derbest bikine rastiyeke berçav’’.

Di civînê de serkirdayetiyê de ,her wiha behsa rewşa niha ya Herema Kurdistanê bi taybetî paşxistina mûçe hat kirin ku bandoreke mezin li ser jiyana welatiyan kiriye. Di civînê de xema  xwe ya ji bo çareser kirina vê pirsê diyar kir û tekez li ser wê yekê kirin ku desteya danustandinan a hikûmeta herêma Kurdistanê û hikûmeta federalî li ser biryara dadgeha federalî ya li ser giringiya mûçeyê pabend bin û bi nakokiyên siyasî re nekevin nava hev.

Di civîna encûmena serkirdayetiyê de ku li baregeha mekteba siyasî ya Hewlêrê hat lidarxistin, tekezî li ser dabînkirina atmosfereke aram û şaristanî ji bo hilbijartinan hate kirin ku her kes bikare bername û peyamên xwe yên siyasî bigihîne girseya gel bi taybetî dengderên ciwan.

Di vê civînê  de piştgiriya  xwe ji bo ruhê  bilind a yekrêziya hemwelatiyan li Hewlêrê û li seranserê Kurdistanê nîşan da ku wek her car ku partiya Serok Mam Celal, bi aqilane û bi coş vê tekoşîna demokratîk ji bo bidawîkirina yekdestdariya deshilatê û nûkirina rêveberiyê ku bê cudahî di berjewendiya gel de ye. Got jî:’’ YNK çaverêya tekoşîneke demokratîk e û ji bo vê mebestê jî ji bo hilbijartineke paqij û dadperwer amade ye û ti carî rê nade dest ji pîrozîyên YNKê berdin û wê yekê wek xeta sor dibîne.’’

Di civînê de girseya sewz hat handan ku bi hev re ber bi serkeftina mezin a YNKê li Kurdistanê bimeşin û baweriya gelê me bi dest bixin.

Encûmena Serkirdatiya Yekîtiya Niştimanî ya Kurdistanê

2 Îlon 2024

PUKMEDIA