Serok Bafil: Em ber bi guhertineke radîkal di rêveberiya Herêma Kurdistanê ve diçin

PUKMEDIA

Serok Bafil û Şalaw Kosret Resûl

Serokê Yekîtiya Niştimanî ya Kurdistanê (YNK) Bafel Celal Talebanî li parêzgeha Hewlêrê li baregeha Mekteba Siyasî bi namzedên YNKê re civiya.

Di civînê de ku endamên Mekteba Siyasî Rêfet Ebdullah, Derbaz Kosret Resûl û Rêwaz Fayîq amade bûn, Serokê lîsta YNKê li Hewlêrê Şalaw Kosret Resûl di raportekê de derbarê amadekariyên dawî yên YNKê de pêşkêş kiri û tekez kir ku, Hewlêr li ser rêya guhertinê ye û emê li gel Hewlêriyên serbilind û hezkirî pêşerojeke geş ava bikin û Hewlêrê ji bo gelê xwe vegerînin.

Serok Bafil Celal Talebanî li ser hilbijartinan û gavên dahatû ,yên guhertinên di pêvajoya rêveberiyê de û ragihand ku ewê bi siyaset û stratejiya niştimanî bo xizmetkirina ax û gelê xwe kar dikin û bi  yekdengî ber bi qonaxeke nû de,ya rêveberiya Herêma Kurdistanê ve biçin, jiyana welatiyan biparêze, ne ku jiyana wan bikeve metirsiyê û maf û mûçeyên wan bi nakokiyên siyasî re tevlihev bike.

Serok Bafil got:“Me bi piştegiriya  Xwedê û gelê xwe di heyama du salên borî de hemû sozên ku me dabûn cîbicî kirin, em bi heman ruhî û hesta berpirsyariyê ve li hember Kurdistanê û gelê xwe,emê ber bi guhertinekî radîkal ve di prosesa rêvebirina Herêma Kurdistanê de diçin û em piştrast in ku gelê berxwedêr ku bi salan e li hember cudakarî û neheqiyê maye, êdî rê nade ku azadiya wan were sînordarkirin û mafên wan werin binpêkirin,belkî dê hikûmetek ku ji êş û qedera wan fêm dike û parêzvanê rastîn ê jiyana wan e, hilbijêrin.

PUKMEDIA