Birîndarên 17`ê Şibat`ê YNK`ê bi xwedî derketina li dosyeyên xwe dizanin

Arşîf

Liqê 4 yê PDK`ê

Birîndarên bûyerên 17`ê Şibat yên sala 2011 an û rojên piştî wê karê xwedîderketina li dosyeyên xwe didin Yekîtiya Nîştimaniya Kurdistan`ê (YNK`ê) ji bo yekalîkirina keysên wan, şîretkarê serokê  YNK`ê jî dibêje: Birîndarên bûyerên 17`ê Şibat`ê daxwaza yekalîkirina sikalaya wan dikin ya li ser Partiya Demokrat ya Kurdistan`ê (PDK`ê) tomar kirine.

Bêstûn Fayêq, Şîretkarê Bafil Celal Talebanî, Serokê Yekîtiya Nîştimaniya Kurdistan`ê (YNK`ê) ji bo malpera fermî ya PUKMEDIA ragihand ku birîndarên bûyerên 17`ê Şibat`ê û rojên piştî wê, Yekîtiya Nîştimaniya Kurdistan`ê (YNK`ê) bi sengerên xwe dizanin û  ji niha û pêve dê bi riya YNK`ê daxwaziyên xwe bigîhînin wan her weha ji niha û pêve jî keysa 17`ê Şibat`ê û daxwaziyên wan dê bi riya YNK`ê dê xwedî lê derkevin.

Bêstûn Fayêq got: Birîndarên wê demê, êdî bi riya Yekîtiya Nîştimaniya Kurdistan`ê (YNK`ê)  peyamên xwe dê bigihînin jiber ku tenê YNK`ê bi xwedanê rasteqîne yê dosyeyên xwe dizanin; û ew rê nadin çi hizib û aliyekî din xwe bikin xwedanê keysên wan.

Aşkere jî kir ku bi riya YNK`ê birîndarên 17`ê Şibat`ê tevaya sikalayên ku li ser Partiya Demokrat ya Kurdistan`ê (PDK`ê)  hene; daxwaza yekalîkirina wê yekê dikin; her weha daxwaz dikin ku tometbarên wan bûyeran bên dadgehkirin, lewra xwedîderketina li keysên xwe tenê didin YNK`ê.

Roja 17`ê Şibat ya sala 2011 an xwepêşandanek girseyî li bajarê Silêmaniyê hat encamdan, lê jiber teqekirin û tûndûtîjiya ku ji aliyê Liqê 4 yê Partiya Demokrat ya Kurdistan`ê (PDK`ê) li kolana Salim ya Silêmaniyê rû da, çend ciwan hatin kuştin û zêdetirî 35 kesên din jî birîndar bûn.

Xwepêşandanê çend deverên din girt û ji bo dema zêdetirî 2 heyvan berdewam bû; û tevî sikalaya yasayî li ser tometbarên Liqê 4 yê Partiya Demokrat ya Kurdistan`ê (PDK`ê)  hatiye tomarkirin, lê ew keys heya niha bê encam bûye.

PUKMEDIA