Berdevk Seidî Pîre: Em ji bo pêşxistina pêkvejiyana li Kerkûkê dixebitin

PUKMEDIA

Berdevkê YNK Seidî Pîre

Berdevkê Yekîtiya Niştimanî ya Kurdistanê Seidî Ehmed Pîre tekez kir ku Parêzgarê Kerkûkê kesekî têkoşer û dilsoz e ku ji bo parastina parêzgehê qurbaniyên mezin daye û ti carî dest ji xelkê Kerkûkê bernedaye.

Seidî Ehmed Pîre di kongirekî rojnamevanî de ku PUKMEDIA lê amade bû got: Dema birêz Rêbwar Taha nûner bû, bi hemû hêza xwe parastina mafên xelkê parêzgeha Kerkûkê kir, niha Kerkûk di destên aram de ye û hewlên wî bo xizmetkirinê xelkê Kerkûkê diyar û ber çavin.

Got jî: Em ji bo pêkvejiyana aştiyane di navbera hemû pêkhateyên Kerkûkê de dixebitin ji ber ku ew bira ne û bi hevkariya wan parêzgariya Kerkûkê dê pêş bikeve û paşerojeke geş ji bo vê parêzgeha hêja ava bike.

Berdevkê fermî eşkere kir: Erka aliyên siyasî ye ku hemû hewlên xwe bo zêdekirina ezmûna pêkvejiyana li Kerkûkê bihêztir bikin û Kerkûk bibe nimûneyek serkeftî bo hemû parêzgehên Êraqê.

Got: Em bang li hemû aliyên siyasî yên Kerkûkê dikin ku ji bo xizmetkirina hevwelatiyan hevkar bin û destê xwe bidin hev û erkê piraniya civata parêzgeha Kerkûkê jî dirêjkirina destê biratiyê bo hemû aliyan bo hevkarî û xebata hevbeşe.

PUKMEDIA