YNKê:’’Belgeya vegerandina navenda Çavdêr’’

PUKMEDIA

Logoya Yekîtiya Niştimanî ya Kurdistanê

Mekteba Siyasî ya Yekîtiya Niştimanî ya Kurdistanê (YNK) bi daxuyaniyekê ragihand ku baregeha çavdêr paşve hatiye standin  û got: “Em hemû gotegotên li ser tevgera hêzên leşkerî ya ji bo vegerandina baregehan red dikin û ev hewldan ne girêdayî azadiya raderbirînê û dijberiya ramana azad e, lê piştgirîkirina  azadiya çapemeniyê û berfirehkirina sînorên demokrasiyê, stratejiya neguherbar a YNKê heye û dê bimîne.’’

Ew lê zêde dike:"Silêmanî paytexta çanda Kurdistanê û navenda azadiya derbirrîn û çalakiyên çandî ye. YNKê şanaziyê bi wê yekê dike ku hertim li wê meydana şer kiriye. Ev hewldan berfirehkirina hewlên wê partiyê ye ji bo birêxistinkirina saziyên xwe ye."

Teksta daxuyaniyê:

 
Daxuyaniya Mekteba Siyasî ya Yekîtiya Niştimanî ya Kurdistanê (YNK) derbarê vegerandina baregeha navenda çavdêr.

Dezgeha çavdêr ji dema damezrandina xwe ve bi piştgiriya  darayî ya Yekîtiya Niştimanî ya Kurdistanê (YNK) kar kiriye  û heta niha jî berdewam dike, ji ber ku birêz Mela Bextiyar nema di nav rêzên Yekîtiya Niştimanî ya Kurdistanê de û diyar e ku navenda wê saziyê nayê radestkirin û naxwaze di bin sîwana YNKê de karê xwe berdewam bike, YNK jî mafê xwe yê rewa dibîne ku bi awayeke aştiyane û dûr ji her aloziyekê hewl bide baregeha dezgeha çavdêr paşde vegerîne , ku milkiyeta erd û baregehan ya YNKê ye.

Ev hewldan ti pêwendiya xwe bi azadiya raderbirînê û dijberiya ramana azad re nîne, lê piştgirîkirina azadiya çapemeniyê û berfirehkirina sînorên demokrasiyê stratejiya neguherbar a YNKê bûye û dê her bimîne. 

Silêmanî paytexta çanda Kurdistanê û navenda azadiya derbirrîn û çalakiyên çandî ye. YNKê şanaziyê bi wê yekê dike ku hertim li wê meydana şer kiriye. Ev hewldana YNKê ji bo birêxistinkirina saziyên xwe ye û baştir xizmet kirina gel û Kurdistane. Em hemû gotegotên li ser tevgera hêzên leşkerî ya ji bo vegerandina baregehan red dikin û ev hewldan ne girêdayî azadiya raderbirînê û dijberiya ramana azad e.

Mixabin medyaya baskekî  desthilatdariya Partiya Demokrata Kurdistanê (PDK) hewl dide gelê Kurd bixapîne. Silêmanî ne hewceyî hêsirên we yên tîmseh e, lê divê hûn dersên azadî û demokrasiyê ji Silêmaniya serbilind fêr bibin.Ji ber vê yekê em ji wan daxwaz dikin ku çalakvan û rojnamevanên di zindanên tarî yên Hewlêr û Badînan de ne azadi bikin, eger xema azadiya çapemeniyê û azadiya ramanê  de ne. 

PUKMEDIA