Komisyon: Wirbînîn di navên namzedan de berdewam e

Kurdistan 10:07 AM - 2024-09-08

Hilbijartin

Komîsyona Bilind a Serbixwe ya Hilbijartinan piştrast kir ku proseya pêdeçûna navên berbijêrên hilbijartinên Parlamentoya Kurdistanê berdewam e.

Berdevka Komisyona Bilind a Serbixwe ya Hilbijartinan Cumane El-Gelayî di daxuyaniyeke taybet de ji PUKMEDIA re ragihand: Komisyonê li gor bersivên ku ji aliyên vekolandinan ve hatine wergirtin li namzedan dinirrin.

Wê got jî: Piştî bidawîhatina vê proseyê, civata komisyonan dê navên berbijêran pesend bike û piştre roja destpêkirina kampînên hilbijartinan bo hilbijartinên parlamentoya Kurdistanê ragihîne.

Rêjeya wergirtina kertên hilbijartinê

 

Komisyona Bilind a Serbixwe ya Hilbijartinan ragihand ku hejmara kertên ku li Herêma Kurdistanê ji bo dengdanê li ser welatiyan hatine belavkirin, du milyon û 685 hezar û 466 kert, bi rêjeya %93 ye.

Berdevka Komisyona Hilbijartinan Cûmana El-Gelayî di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re ragihand: Komîsyonê li ser cîbicîkirina planên ku ji bo hilbijartinên Parlamentoya Kurdistanê hatine amade kirin berdewam e û pêbende bi wê Li gorî qonaxên proseya hilbijartinan, 2 milyon û 685 hezar û 466 kertên hilbijartinan ji du milyon û 899 hezar û 578 kertên hilbijartinan li çar deveran hatine dabeşkirin.

Komisyonê eşkere kir ku tenê 214 hezar û 112 kertên hilbijartinê mane ku ji aliyê welatiyan ve nehatine wergirtin. Ji ber vê yekê em bang li dengdêran dikin ku serdana navendên komîsyonê yên li Hewlêr, Silêmanî, Duhok û Helebce bikin û kertên xwe yên hilbijartinê werbigirin û mafê xwe misoger bikin.

Li gor amarên dawî yên Komisyonê, %96.49ê hemû dengderên bajarê Duhokê kertên xwe yên hilbijartinê wergirtine, %92.86ê wan li Hewlêrê kertên xwe yên dengdanê wergirtine û %89.61ê dengderên Silêmaniyê jî kartên xwe yên hilbijartinê wergirtine. û li Dihokê jî %95.08ê dengderan karta hilbijartinê wergirtine.

PUKMEDIA