Serok: Em piştgiriya vejandina aborî û xizmetguzariyê li Kerkûkê dikin

Serokatiya Komara Iraqê

Serokomarê Iraqê Letîf Cemal Reşîd û parêzgarê Kerkûkê Rêbwar Taha

Serokomarê Iraqê Letîf Cemal Reşîd îro duşemî 09.09.2024ê pêşwaziya Rêbwar Taha parêzgarê Kerkûkê kir û rewşa dawî ya parêzgeha Kerkûkê gotûbêj kirin.

Serokatiya Iraqê di daxuyaniyekê de ragihand:Serokomarê Iraqê Letîf Cemal Reşîd li Koşka Bexdayê pêşwaziya parêzgarê Kerkûkê Rêbwar Taha kir û pêşhatên dawî yên parêzgehê di warên ewlehî, aborî û xizmetguzariyê de gotûbêj kirin. Serok balkişand li ser giringiya Kerkûkê, taybetiya wê , bihêzkirina biratî û aştiyê di navbera pêkhateyên wê de.

Di daxuyaniyê de hat gotin: "Serokkomar tekezî li ser pêwîstiya aktîvkirin û bilezkirina pêngavên vejandina rewşa aborî û xizmetguzariyê li Kerkûkê kir û piştgiriya  xwe ji bo daxwazên rewa yên xelkê Kerkûkê di warên ewlehî, xizmetguzarî û geşepêdanê de dupat kir."

Di bersivê de parêzgarê Kerkûkê Rêbwar Taha xweşhaliya xwe ji bo rênimûnî û guhdana serokomar bo Kerkûkê nîşan da û tekez li ser wê yekê kir ku dê hemû hewlên xwe bo xizmetkirina xelkê Kerkûkê bi hemû pêkhateyan bidin.

PUKMEDIA