Serok komarê Îranê gihîşte Silêmanî û Serokê YNK pêşwazî lê kir

PUKMEDIA

firokexaneya Silêmanî

Serokê Komara Îslamî ya Îranê, Mesûd Pizîşkiyan, demek berî niha bi rêya firokexaneya navdewletî ya Silêmaniyê gihîşte parêzgeha Silêmaniyê.

Li Firokexaneya Navdewletî ya Silêmaniyê ji aliyê Serokê Yekîtiya Niştimanî ya Kurdistanê Bafil Celal Talebanî û hejmareke din ji berpirsên hizbî û hikûmetê ve hate pêşwazîkirin.

Biryare Serok komarê Îranê serdana mezara Mam Celal bike û piştre bi Serokê Yekîtiya Niştimanî ya Kurdistanê Bafil Celal Talebanî re hevdîtinekê pêk bîne.

Konsulê Îranê li Silêmaniyê Mihemed Mehmûdiyan ragihand: Di çarçoveya serdana Serokê Komara Îslamî ya Îranê Mesûd Pzîşkiyan bo Êraqê û hevdîtina wî ligel Serok Komarê Dr. Ebdulatîf  Cemal Reşîd û hejmareke berpirsên hikûmeta federalî, îro serdana Herêma Kurdistanê dike û li Hewlêr û Silêmaniyê çend civîn û konferansan lidar bixe.

Got jî: Serok Pzîşkiyan di serdana xwe ya bo Parêzgarîya Silêmanîyê de dê li gel Serokê Yekîtîya Niştîmanî ya Kurdistanê Bafil Celal Talebanî kom bibe û çendîn pirs û dozên berjewendîyên hevbeş gotûbêj bikin.

Berdevkê Yekîtiya Niştimanî ya Kurdistanê Seidî Ehmed Pîre dibêje: Serdana Serok komarê Îranê bo Silêmaniyê gelekî girîng e ji ber ku Yekîtiya Niştimanî peywendiyên dirêj ên dîrokî û çekdarî ligel Komara Îslamî ya Îranê heye û Serokê rihmetî Mam Celal roleke mezin di pêşxistin û xurtkirina têkiliyên dualî de heye.

Got jî: Yekîtiya Niştimanî hertim dixebite ku peywendiyên hevseng û bihêz bi hemû welatên cîran re hebe û Îranê jî di qonaxên dijwar de piştevanê gelê Kurdistanê bûye û ji bo piştevanîkirina Herêma Kurdistanê xwedî helwestên mezin e.

Got jî: Peywendiyên dualî di navbera Yekêtiya Niştimanî ya Kurdistanê û Komara Îslamî ya Îranê de, ji bo bihêzkirina peywendiyên aborî û danûstendinên bazirganî di navbera Herêma Kurdistanê û Îranê de dikarin sûd werbigirin, ji ber ku Yekîtiya xwedî peywendiyên dîrokî yên mezin li gel Îranê ye.

PUKMEDIA