Mesûd Pizîşkiyan li Silêmanî ji aliyê serokê YNK`ê ve hat pêşwazîkirin

PUKMEDIA

Serok Bafil û Serokkomarê Îran`ê

Mesûd Pizîşkiyan; Serok Komarê Îran`ê gihîşte firokxaneya navdewletî ya Silêmaniyê û ji aliyê şandeka bilind ya Yekîtî ya Nîştimanî ya Kurdistan`ê (YNK) ve bi serokatiya Bafil Celal Talebanî serokê ya Yekîtî ya Nîştimanî ya Kurdistan`ê (YNK) û hejmarek berpirsên hizbî û hikmeta Êraq`ê ve hat pêşwazîkirin.

Piştre Mesûd Pizîşkiyan; serok Komarê Îran`ê sardana mezarê serokê Mam Celal kir û qefta gulan li ser mezarê wî danî û di deftera bîranînan de nivîsî û têde amaje bi wê yekê kir ku, îro Pêncşemê rêkefta 12-09-2024 an bi hevalîniya şandeke bilind ku ji wezîrên Komara Îslamî ya Îran`ê pêk tên; em gihîştin Silêmaniyê ku derfetk ji bo me çêbû ku em sardana mezarê serok Celal Talebanî yê xweşwîst û bi rêz jî bikin; û Fatîheyê bixwînin li ser ruhê wî bixwînin; û silavan li ruhê wî yê bilind,dîtina wî ya vekirî û nêrîna wî ya kûr ya vî delal bikin;û rêzê li fedakarî û çalakiyên wê zelamê mezin ji beriya dema şoreşê û heya şoreşê û piştî gihîştina armancên xwe û hewlên wî yên ji bo yekgirtin û yekrêziya li navxweya welat û baweriya wî bi hevkariyên digel Îran ya xweşewîst bigirin, û xwedê ruhê wî her demê di nava şoreşgeran û azadîxwazên cîhanê de bihêle.

Hevdem Mesûd Pizîşkiyan û şanda pêre li Debaşan digel şanda bilind ya Yekîtî ya Nîştimanî ya Kurdistan`ê (YNK) bi serokatiya Bafil Celal Talebanî civiya; û piştî civînê Pizîşkiyan û şanda pêre bi riya firokxaneya Silêmaniyê ew parêzgeh bi cih hêlan.

Ev yek di demekê de ye ku roja Çarşem`ê rêkefta 11-09-2024 an Serok Komarê Îran`ê û şanda pêre gihîştin bajarê Bexdayê û ji aliyê Mihemed Şeya Sûdanî ; Serok Wezîrên Êraq`ê û Balyozê Îran li Êraq`ê ve hatin pêşwazîkirin; û piştre jî digel Dr. Cemal Letîf Reşîd Serok Komarê Êraq`ê civiya û piştre çend  civînên din jî digel serkirdeyên aliyên siyasî yên Êraq`ê encam da; îro danê sibehê jî roja Pêncşemê Mesûd Pizîşkiyan gihîşte bajarê Hewlêr`ê û ji aliyê Serokê Herêma Kurdistan`ê ve hat pêşwazîkirin û digel serokatî û hikûmeta herêmê civiya.

Ev yekem serdana fermî ya Mesûd Pizîşkîyan ya ji bo derveyî welat e; ji dema destbikarbûna wî wek serok komarê Îran`ê ve.

PUKMEDIA