Serok komarê Êraq`ê beşdarî Pêşangeha Navdewletî ya Pirtûkan bû

Nivîsingeha Ragihandina Serokomariyê

Serok komarê Êraq`ê beşdarî Pêşangeha Navdewletî ya Pirtûkan bû

Serok komarê Êraq`ê di hevdîtinên xwe yên digel hejmarek ji weşanxaneyan de, pesna lidarxistina pêşangehê û hewlên amadekaran kir û amaje bi girîngiya pêşangeh û konferansên wêjeyî û rewşenbîrî ji bo dewlemendkirina rewta çandî û bihêzkirina nêzîkbûna çandî di navbera gel û neteweyan de kir.

Serok komarê Êraq`ê Dr. Letîf Cemal Reşîd, roja Duşemê rêkefta 16-09-2024 an li bajarê Bexdayê, beşdarî semînerek ya diyalogê ya rewşenbîrî ya Erebî-Kurdî bû; ku li jêr navê (Diyaloga Erebî-Kurdî;Destpêşxeriyek e ji bo Vejandina Bîr û Çarenûsa Hevbeş) ku di çarçoveya hevdîtinên rewşenbîrî yên gera 25 ehemîn ya Pêşangeha Navdewletî ya Pirtûkan de li Bexdayê hatibû lidarxistin.

Beşdarên semînerê bal kişandin ser rola girîng ya navenda rewşenbîrî ya Erebî-Kurdî di xurtkirina diyaloga rewşenbîrî û wêjeyî de ku Ereb, Kurd û pêkhateyên din li Êraq`ê li hev kom dike; tevî girîngiya karkarina wê ji bo pêşxistina xalên hevbeş, ku xizmeta pêkvejiyana aştiyane û hevkariyê di warên cuda de dike.

Herwiha beşdaran tekez li ser girîngiya rol û beşdariya rewşenbîr û nivîskarên Kurd û Ereb di dewlemendkirina bîr û çandê de ji bo bidestxistina têgihiştin, nêzîkbûn û zalbûn bi ser pirsgirêk û cudahiyan de kirin; ku di demên bûrî de ev pirsgirêk rûdabûn û ku ev kar û çalakî armanca avakirina civakek demokratîk ya hişmend e.

Hevdem Serok komar serdana beşên din yên pêşangehê kir, ku têde berhemên çendîn dezgehên çapxane û weşanxane,û belavkiriyên Erebî û navxweyî û wezaret û saziyên çandî û ewlekarî û civakî yên hikûmî hebûn.

Serok komar di hevdîtinên xwe yên digel hejmarek ji dezgehên çap û weşanxaneyên xwe de, pesna rêkxistina pêşangehê û hewlên rêkxerkeran da û amaje bi girîngiya van cûrên pêşangeh û konferansên wêjeyî û rewşenbîrî ji bo dewlemendkirina rewta rewşenbîrî û bihêzkirina nêzîkbûna çandî di navbera gelan û neteweyan de kir.

PUKMEDIA