Fireksiyona Yekîtî ji bo peydakirina mûçeyên Pêşmergeyên dêrîn kar dike

PUKMEDIA

Pêşwaziya komîteya darayî li şanda komeleya pêşmergeyên dêrîn

Fireksiyona Yekîtiya Niştimanî ya Kurdistanê li encûmena nûneran li ser peydakirina hêjayan û baştirkirina asta jiyanê ji bo Pêşmergeyên kevin û kêmendamên di xendeqan de li Herêma Kurdistanê mîna parêzgehên din ên Êraqê dike.

Nûnera Yekîtiya Niştimanî ya Kurdistanê Bedriye Hisên ji PUKMEDIA re ragihand: Di çarçoveya xebatên parastina mafên pêşmergeyên dêrîn û kêmendamên di xendekan de, me bi şandeke pêşmergeyên dêrîn re ku Cemîl Hewramî serokê komeleya pêşmerge jî di nav de bû,, her weha Sekreterê Giştî yê berê yê Wezareta Pêşmerge Fûad Ebû Bekir û endamê Desteya Bilind Osman Sîdrî Pêşmergeyên çendîn serdan li Wezareta Koç û Koçberan a hikûmeta federal û fireksiyona Yekîtiya Niştimanî li Civata Nûneran kirin.

Herwaha got: Di wê serdanê de, me bi wezîra koç û koçberan Îvan Fayeq Cebro re hevdîtin pêk anî û bi dilgermî amadebûna xwe ji bo piştevanîkirina daxwazên şandê nîşan da.

Di hevdîtinan de tekezî li ser pêwîstiya wekhevkirina mûçeyên hêzên Pêşmerge, pêşmergeyên xanenişîn û kêmendamên di xendekan de hat kirin.

Wê got: Me her wiha di civînan de tekezî li ser wê yekê kir ku pêwîste kar li ser zêdekirina xalekê were kirin di dema serrastkirina yasaya Wezareta Koç û Koçberan li Civata Nûneran da ku têde pêşmergeyên ku berî sala 1991ê aware bûne û piştî serhildanê vegeriyane deverên xwe heman maf û îmtiyazên ku awareyan li hemû navçeyên Êraqê distînin, bistînin.

Nûner Bedriya Husên wiha berdewam kir: Biryar e şanda han di rojên pêş de çendîn serdanan bike û li ser garantîkirina maf û îmtiyazên Pêşmergeyên kevin û kêmendamên di xendeqan de bo wezaretên kar, karûbarên civakî, darayî û berevaniyê gotûbêj bike.
Nûnerê Badriya Husên tekez li ser wê yekê kir ku Yekîtiya Niştimaniya Kurdistanê dê berdewam be li ser parastina maf û îmtiyazên Hêzên Pêşmerge, kêmendamên di xendeqan de û hemû welatiyan.



PUKMEDIA