YNK`ê bi berbijêrên ciwan û xwedan bawername diçe hilbijartinê

PUKMEDIA

Logoyê YNK`ê

Yekîtiya Nîştimaniya Kurdistan`ê (YNK) bi 172 berbijêran li her çar bazineyan beşdarî hilbijartina ya Gera Şeşem ya Parlemana Kurdistn`ê dibe, ku beşek zaf ji berbijêran ciwan in ku bawernameyên wan di asteke bilind de ne; ku ji sedî 88 xwedanê bawernameyên bilind in û dabeşbûna wan bi ser taybetmendiyan ku parlemena Kurdistan`ê wê yekê dizwaze.

Berbijêrên YNK`ê xwedan bawername ne

Li gor zanyariyên malpera fermî yê Yekîtiya Nîştimaniya Kurdistan`ê (YNK) ku ji Mekteba Hilbijartinê ketiye destên wan,ji sedî 22.67 berbijêrên YNK`ê xwedana bawernameyên xwendina bilind in ku 39 berbijêr in, her weha ji sedî 65.7 berbijêr bawernameyên yên Bekaloryos û diblomeyên wan hene ku 113 berbijêr in; hevdem kêmtirîn berbijêr bawernameyên wan yên amadeyî û jêrtir hene ku rêjeya wê dike ji sedî 11.62 ku hejamra wan 20 berbijêr in.

 Biryare li gor Pêncemîn Mersûma Serokê Herêma Kurdistan`ê roja 20`ê Cotmeh ya sala 2024 an Hilbijartina Gera Şeşem ya Parlemana Kurdistan`ê bê encamdan ku Komisyona Bilind ya Serbixwe ya Hilbijartinên Êraq`ê dê birêve bibe û sêstem hilbijartinê jî pir bazine ye.

Beşek zêde ji berbijêrên YNK`ê ciwan in

Li gor pêdaçûna PUKMEDIA ku pişt bi zanyariyên berdest girê dide ku ji Mekteba Hilbijartin ya Yekîtiya Nîştimaniya Kurdistan`ê (YNK)  derbarê berbijêran ketiye destê wan, rêjeya temenên berbijêrên Yekîtiya Nîştimaniya Kurdistan`ê (YNK) beşek berçav ciwan in ku 23 berbijêr in rêjeya wê digîhîje ji sedî 13. 37 ku temenên wan di navbera 25 û 40 saliyê de ne, her weha 120 berbijêr temenên wan di navbera 40 bo 60 saliyê de ne ku rêjeya wê dike ji sedî 69.77, digel 29 berbijêrên YNK`ê temenên wan di navbera 50 û 60 saliyê de ne ku rêjeya wê dike ji sedî 16.86.

Zêdetir ji rêjeya yasayî jin berbijêrên YNK`ê ne

Li gor zanyariyên PUKMEDIA rêjeya berşdarîkirina jinan bi temamî li ber çavan hatine girtin ku ji koma 172 berbijêran 62 berbijêr jin in û rêjeya wan dike ji sedî 36.

YNK`ê bi 172 berbijêran beşdarî hilbijartinan dibe

Yekîtiya Nîştimaniya Kurdistan`ê (YNK) li Hewlêr`ê bi 64 berbijêran, li Silêmanî 72 berbijêran, li Helebce 6 berbijêran û li Duhok`ê bi 30 berbijêran dê beşdarî Hilbijartina Gera Şaşem ya Parlemana Kurdistan`ê bibe; ku bi giştî  hejmara berbijêrên YNK`ê 172 kes in.

PUKMEDIA