Serok komar: Guherîna keş û ba jibo asayîşa av û xwarinê gef e

Nivîsingeha Ragihandina Serok komariyê

Dr. Letîf Cemal Reşîd Serok komarê Êraq`ê

Serok Komarê Êraq`ê; Letîf Cemal Reşîd ragihand ku guhertina keş û ba bandorek raste rast li ser ewlekariya tenduristiya hemû Êraqiyan û aramiya welat û civakan dike,û têkçûna keş û ba metirsiyek e li ser ewlekariya av û xwarinê.

Letîf Cemal Reşîd;roja 22/09/2024 an beşdarî yekemîn çalakiyên Konfiransa Navdewletî ya taybet bi Guherîna Keş û Ba û bandorên wê li ser asayîşa tendirustiyê Êraq`ê kir.

Di wê derbarê de nivîsingeha rojnamevaniyê di daxuyaniyekê de ku wêneyek ji wê ji PUKMEDIA re hatiye şandin ku têde tê gotin: Di serdema niha de guhertina keş û ba yekek ji girîngtirîn astengiyên li hemberî mirovahiyê tê hijmartin, jiber ku ew ne tenê pirsgirêkek jîngehê ye, di heman demê de rasterast bandora xwe li ser ewlehiya tenduristiya welat û civakan jî dike.

Serok komarê Êraq`ê di gotara xwe behsa têkçûna jîngehê û bilindbûna pileyên germayê û kêmbûna çavkaniyên avê kir û got: Ev hemû dibin sedema belavbûna nexweşiyan, û zêdebûna fişaran li ser sîstema çavdêriyê tenduristiyê û ewlehiya xwarin û avê jî dixe nava metirsiyê; jiber vê yekê, li ser asta hikûmeta federal û herêma Kurdistan`ê, em pabend in ku bi hevkarên xwe yên di civaka navdewletî de, jibo dîtina çareseriyên berdewam û bi bandor jibo çareserkirina van pirsgirêkan hevkariyê bikin.

Dr. Letîf Cemal Reşîd behsa wê yekê jî kir ku ew konfirans wek platformekê ye jibo pevguhertina ezmûnan û pêşxistina stratejiyên ku jibo bihêzkirina ewlekariya tenduristiyê li welat û herêmê dibe alîkar.

PUKMEDIA