Lîsteya 129: “Em ê bi dawî bînin”

PUKMEDIA

Lîsteya 129 ya Yekîtiya Niştimanî ya Kurdistanê

Yekîtiya Niştimanî ya Kurdistanê (YNK) dixwaze dawî li firotina zevî, cudaxwaziyê, tijekirina bêrîkan, tepeserkirina dengên azad, tinazê xwe bi jiyana welatiyan û mûçeyan bîne.Ew ê bi lîsteya 129 bi dirûşma “Em ê bi dawî bînin” beşdarî hilbijartinên Parlamentoya Kurdistanê bibe.

YNK dê dawî li pirsgirêkan bîne û veguherîne xizmetguzarî

Namzeda jimare 12 ya lîsteya 129 ya Yekîtiya Niştimanî ya Kurdistanê (YNK) ya Parlamentoya Kurdistanê li devera Silêmaniyê Hana Şivan ji malpera fermî ya YNKê PUKMEDIA re ragihand: “Logoya Yekîtiya Niştimanî ya Kurdistanê (YNK) dibêje (aştî, demokrasî, mafên mirovan û çarenivîsa xwe), lewra her kar û nêrînek li dijî dirûşmên di logoya me de be, emê bi dawî bikin, ji ber ku dirûşmên me cîhanî ne.’’

"YNK'ê bawerî bi demokrasî, mafên mirovan û azadiya raderbirînê heye û dabînkirina jiyaneke azad û bi rûmet ji bo welatiyên herêmê erkê YNK'ê ye û ji bo wê yekê têdikoşe, lewma me biryar da di vê hilbijartinê de pirsgirêkan veguherînin bo xizmetê."Hana  Şivan

Dirûşma YNKê aciziya erdfiroşan dike

Dirûşmeya lîsteya 129 ya YNKê ya ji bo hilbijartinên bê yên parlamentoya Kurdistanê hêrsa erdfiroş û dagîrkeran tîne.Namzetek YNKê jî got: “Em ê li dijî gendelî û cudaxwazan disekinin.’’

Namzedê jimare 6 ê lîsteya 129 ya Yekîtiya Niştimanî ya Kurdistanê (YNK) ji bo hilbijartinên Parlamentoya Kurdistanê li herêma Hewlêrê, Parêz Omer ji malpera fermî ya YNKê PUKMEDIA re ragihand:"YNK dê di vê hilbijartinê de dawî li firotina zevî, tijîkirina bêrîkan û cudahiya li herêmê bîne, ku bûye sedema hêrsbûna hinek aliyên herêmê."

Omer wiha got: “Ciwaziya di vê kabîneyê de ne tenê di navbera bajaran de ye, belku di nava Hewlêrê bi xwe de jî tê dîtin û taxên hejar jî hatine paşguhkirin, lewma YNK li dijî vê cudabûnê ye.

YNK dê dawî li tepisandina dengên azad bîne

Rêvebirina hikûmetê bi zihniyeta hizbî Kurdistan têk çû û ji bo bidawîkirina vê zihniyetê divê YNK bi ser bikeve, da ku hevsengiya hêzê li herêmê vegerîne û hikûmeteke têkçûyî ya rawestandî bi dawî bibe.

Namzedê jimare 1 yê lîsteya 129 ya Yekîtiya Niştimanî ya Kurdistanê (YNK) ji bo hilbijartinên Parlamentoya Kurdistanê li herêma Duhokê Elî Mistefa ji malpera fermî ya YNKê PUKMEDIA re ragihand:"YNK dixwaze binpêkirina mafên mirovan û tepeserkirina dengên azad ku li parêzgeha Duhokê deng veda û gelek kes bi tometên bêbingeh di zindanan de ne, bi dawî bike."

Elî Mistefa got: ‘’YNK dê dawî li binpêkirina mafên mûçegiran û siyaseta birçîkirina welatiyan bîne, ji ber wê jî pêwîste dengê xwe bidin namzedên YNKê ji bo jiyaneke baştir û xizmetguzariya hemûyan.’’

Roja 20-10-2`yê hilbijartinên rûniştina şeşem a parlementoyê tê lidarxistin.Yekîtiya Niştimanî ya Kurdistanê (YNK) bi  lîsteyan 129 û  bi 172 berbijêran li ser çar deveran beşdarî hilbijartinan dibe.

PUKMEDIA