Namzedên lîsta 129: Hilbijartinên bê cude ne û deng winda nabin

Rêportaj 10:34 AM - 2024-09-26

Logoya Yekîtî

Li geldestpêkirina kampîna hilbijartinên Parlementoya Kurdistanê, duh Çarşemê Serokê Yekîtiya Niştimanî ya Kurdistanê Bafil Celal Talebanî peyamek arastey girseya gel û raya giştî ya Kurdistanê û endamên Yekîtiya Niştimanî kir têde ragihand ku hilbijartinên dahatû yên herêmê ji hilbijartinên berê cudatir dibin û dengên dengderan winda nabin û namzed jî bi geşbînî li wê ywkê dinirin ku bikaribin guhertina desthilatê û serastkirina rêbaza desthilatdariyê bi piştevaniya welatiyan bighûrin.

Dengên rast vîna gel derdixe

 

Namzedê jimare 35 yê bazneya Hewlêrê ê lîsteya Yekîtiya Niştimanî ya Kurdistanê (129) Îsmaîl Omer Heme Mistefa di daxuyaniyekê de ji malpera fermî PUKMEDIA re behsa giringiya dengderan kir: "Serok Bafil li ser navê hemû partiyên siyasî yên herêmê şerê demokrasiyê bi rê ve bir, di guhertina yasaya hilbijartinan de û bidawîkirina astengiyên li pêşiya lidarxistina hilbijartinên pak û zelal bi ser ket, aşkire jî kir ku dengî ti dengderekî wek berê naçe bo dengderekî din.

Yekîtiya Niştimanî karîbû mafê hilbijartinê vegerîne

Lozan Mîna Hemed, namzeda jimare (33) ya bazneya Silêmaniyê li ser lîsteya Yekîtiya Niştimanî ya Kurdistanê (129) di daxuyaniyekê de bo malpera fermî ya Yekîtiya Niştimanî (PUKMEDIA) li ser peyama Serok Bafil û nêrîna wê li ser girîngiya hilbijartinan û dengên hilbijêran dibêje: Yekîtiya Niştimanî li Dadgeha Bilind a Federalî xwedî erkên yasayî ye karîbû dawî li vê nekokiyê bîne ji bo berjewendiya gel, ji bo hemûyan destkeftiyeke mezin bû.

Namzedê jimare (33) li navçeya Silêmaniyê tekez kir: Yekîtiya Niştimanî kariye tomara dengderan serast bike û kursiyên hilbijartinan li ser herêman dabeş bike, daku xelkê navçeyên cuda yên herêmê nûnerên wan yên rasteqîne li parlamentoyê hebin Her wiha kursiyên pêkhateyan ku Partiya Demokrat ji xwe re yekdestdar kiribû bi dawî kir.

Hilbijartin hevsengiya siyasî vedigerîne

Namzedê jimare (10) Muhened Feysal Faêq Mistefa yê lîsteya Yekîtiya Niştimanî ya Kurdistanê (129) di daxuyaniyekê de bo (PUKMEDIA) li ser giringiya dengên dengderan û winda nekirina dengan got: Hilbijartinên dahatî dê bi temamî cuda bin û dikarin hevsengiyê li sîstem û desthilata siyasî li Herêma Kurdistanê vegerînin, ku tê de hikûmetek bê damezrandin ku xizmeta her kesî bike bê cudahî.

Namzedê jimare (10) li herêma Duhokê diyar kir ku “di hilbijartinên bê de bi mekanîzmayên nû yên serperiştiya hilbijartinan dengên dengderan winda nabin û dengên dengderan dê bibe alîkar ku hikûmetek bikaribe xizmeta welatiyan û parastina herêmê ji destwerdanên derve, bi taybetî dagîrkirina deverên berfireh ên parêzgeha Duhokê bike.

Yekîtiya Niştimanî ya Kurdistanê bi hejmara (129) duruşma serrastkirina rêbaza desthilatdariyê di hilbijartinên Parlamentoya Kurdistanê de û çareserkirina pirsgirêkên ku li Herêma Kurdistanê hene, ji bo xizmetkirina welatiyan û dabînkirina pêdiviyên wan hildigire.

PUKMEDIA