Lîsteya YNK'ê ya 129: Dawî pê tînin û cîbicî dikin

Kurdistan 11:23 AM - 2024-09-29

Logoya YNK û jimareya lîst

Serokê Yekîtiya Niştimanî ya Kurdistanê Bafil Celal Talebanî di peyama kampîna bangeşeya lîsta 129 de wiha got: Emê dawî li desthilata xwesepên bînin û rêrewî desthilatdariyê rast dikin, her wek  “Dawî lê tînin” di nav dirûşm û sernavên partiyên din herî bi xêr hatî bû, steratejiya yekîtî ya nûh ewe ku çi bêjin bicih tînin.
 
Yekîtiya Niştimanî ya Kurdistanê tekezî li ser pêwîstiya serrastkirina rêbaza hukimdariyê, pêkanîna hikûmeteke dadperwerane û xizmetguzarî û bidawîkirina desthilata yekdestdariya li Herêma Kurdistanê dike û ji bilî cîbicîkirina xwestekên welatiyan û bilindkirina asta jiyana wan, tekez dike.

Bi dawîkirina yekdestdariya desthilatdariyê

 

Berpirsê Encumena Parastina Berjewendiyên Bilind ên Yekîtiya Niştimanî ya Kurdistanê Şêx Cefer Şêx Mistefa dibêje: Yekîtiya Niştimanî dê bi rêya demokrasî û hilbijartinan dawî li yekdestdariya desthilatê bîne.
Got jî: Peyama Serok Bafil Celal Talebanî bo helbijartinan zelal û wêrek e û peyamek e ji bo beşdarbûna hemû pêkhateyên civakê di damezrandina desthilatekê de ku vîna wan derbixe û daxwazên wan cîbicî bike û bê cudahî xizmeta hemû welatiyan bike.

Rastkirina rêbazê

 

Berdevkê Yekîtiya Niştimanî ya Kurdistanê Seidî Ehmed Pîre dibêje: Yekîtî ji bo bidawîkirina stemkarî û desthilata yekdestdariyê kar dike û dixwaze daxwazên welatiyan cîbicî bike.
Got jî: Em dixwazin dawî li vê awayê şaş ê rêvebirinê bînin û kar bo baştirkirina asta jiyana hevwelatîyan bikin, ji bilî çareserkirina pirsgirêka mûçeyên karmendan bi yekcarî.

Hilbijartinên çarenûsin

 

Endamê Encumena Serkirdatiya Yekîtiya Niştimanî ya Kurdistanê, Aras Mihemed Axa ku berpirsê kampîna hilbijartinan li navçeya Duhokê ye, dibêje: “Hilbijartinên dahatî hilbijartinên çarenivîser û bibandor in ji bo Yekîtiya Niştimanî ya Kurdistanê û xelkê Kurdistanê bi giştî, da zanîn ku armanca sereke ya Yekîtî serrastkirina rêbaza desthilatdariyê li Herêmê ye.
Endamê Encumena Serkirdayetiyê tekezî li ser giringiya hilbijartinên yasayî ji bo Herêma Kurdistanê bi giştî û Yekîtiya Niştimanî ya Kurdistanê bi taybetî kir û tekezî li ser wê yekê kir ku hemû hewlên xwe bidin ji bo serkeftina lîsta Yekîtiya Niştimanî di hilbijartinan de.


PUKMEDIA