Qubad Talebanî: YNK yekane partî ye ku dikare rêbaza desthilatdariyê serast bike

PUKMEDIA

Qubad Talebanî

Serpereştyarê kampîna lîsta 129 a ser bi rêveberiya Raprîn Qubad Talebanî tekez kir ku Yekîtiya Niştimanî ya Kurdistanê tekane partiyek e ku dikare rêbaza rêveberiya Herêma Kurdistanê serrast bike.

Qubad Talebanî di daxuyaniyekê de ku PUKMEDIA`yê dişopand de ragihand: Hemwelatiyên Herêma Kurdistanê baweriyeke mezin bi Yekîtiya Niştimanî û hewlên wê yên bihêzkirina demokrasiyê û dabînkirina mafên welatiyan li Herêma Kurdistanê hene.

Got jî: Kampîna hilbijartinên Yekêtiya Niştimanî ya Kurdistanê bi başî birêve diçe û Yekêtiya Niştimanî dikare rêbaza hukimdariyê li Herêma Kurdistanê rast bike û niha ji hemûyan re eşkire ye ku tenê wê karibe rêça rêvebirinê serrast bike û tiştên şaş serast bike, girse jî hêviyek mezin bi Yekîtiya Niştimanî ya Kurdistanê û serokê wê Bafil Celal Talebanî heye.

YNK dixwaze hikûmetek pêkbîne ku kêşeyên berdest li gel hikûmeta federal çareser bike û dive hikûmetek hebe ku baweriya welatiyan bidest bixe daku bi awayekî baş kar ji bo çareserkirina hemû kêşeyan bi hikûmeta federal re bike. Ger me parlamentoyek bi bandor û hikûmetek baş hebûya, çareserkirina pirsgirêkan hêsantir bû.

Wî got: Yekîtiya Niştimanî partiyeke têkoşer e û xwedî peyameke piralî ye, em şanaziyê bi dîroka Yekîtî dikin û divê em ji bo amadekirina nifşekî nû li Herêma Kurdistanê ku kar ji bo xizmeta wê bike wê yekê bikar bînin. Em li ber helbijartinên çarenivîssaz in li Herêma Kurdistanê Me gelek kar û xebat kir ji bo ku ev hilbijartin bi hênceta dengên welatiyan bên kirin: Emê ji bo guhertina sîstemê û serastkirina rêbaza desthilatdariyê bixebitin.

PUKMEDIA