Serok Bafil: Bi piştevaniya Xwedê û gel emê vê desthilata gendel hilweşînin

PUKMEDIA

Kernavela nasandina namzedên lîsta 129

Bi amadebûna Bafil Celal Talebanî Serokê Yekîtiya Niştimanî ya Kurdistanê, li bajarê Silêmaniyê karnavala kampîna hilbijartinan û nasandina namzedên lîsteya jimare 129 ya YNK dest pê kir.

Kerneval li yarîgeha navdewletî ya Silêmaniyê bi beşdariya girseyên berfireh ên welatiyan, kadro û alîgirên Yekîtiya Niştimanî ya Kurdistanê birêve çû.

Serokê Yekîtiya Niştimanî ya Kurdistanê Bafil Celal Talebanî di gotarekê de di karnavala danasîna namzedan de tekez kir, ku Yekîtî tekane partî ye ku dikare rêbaza desthilatdariya Herêma Kurdistanê serrast bike.

Serok Bafil Celal Talebanî got jî: Em îro ji bo piştevanîkirina lîsteya Yekîtiya Niştimanî ya Kurdistanê ya jimare 129 li vir in û bi piştgîriya girseyên gelê Kurdistanê, emê desthilata desthilatdar biguherin û rêbaza desthilatdariya Herêma Kurdistanê rast bikin.

Wî got: Ez spasiya we dikim ji bo amadebûna we îro di vê kernevalê de ji bo piştevîkirina lîsta 129 , YNK milkê her kudekî dilsoze ji ax û gelê kurdistanê re, ev çendîn saline m rastî pirsgirêkan tên lê bi saya we îro Yekîtî Niştimanî yek deng û yek hêz e û ji hemû pirsgirêkan rizgar bûye û bi alîkariya Xwedê em xwe bispêrin vîna. Me yasaya hilbijartinan serrast kir ku tenê xizmeta yek partî û yek malbat dikir .

Serok Bafil Celal Talebanî diyar kir: Me li gel hemû aliyên siyasî hewl da ku li ser yasaya hilbijartinan bigihin rêkeftinekê, lê wan ev yek red kir û em digel wan çûn gelek hevdîtinan lê ew razî nebûnn piştre em çûn dadgeha federal û qanûn bi awayekî ku di berjewendiya gelê Kurdistanê de ye, sererrast kir.

Wî got: Yekîtiya Niştimanî îro ji dijminên xwe gelek bihêztir e, ji hemû partiyan bihêztir û ji wan dilsoztir e û me yasaya hilbijartinan bi awayekî ku mafê her kesî biparêze serrast kiriye, YNK li ser rê û rêbaza serok Mam Celal dimeşe û dişopîne û li pişt ti aliyek din a siyasî nameşe.

Serok Bafil Celal Talebanî got: Ez we vedixwînim ku bi awayekî çalak biçin ser sindoqan û dengê xwe bidin lîsteya jimare 129 a Yekîtiya Niştimanî ya Kurdistanê, peyameke min ji keç û ciwan û jin û gelê kurdistanê re heye, serok wezîr, wezaretên bingehîn Wezaretên bingehîn bi salane di destê partiyek taybet de ne? Ji xwe bipirsin, win bi vê yekê razî ne? Bi sedan ciwanên me ji welatê xwe derketin û koçberî derveyê welat bûn, welêtê me buheşte naft û gaz têde ye, werin em xizmeta welatê xwe bikin û pêşve bibin, dengê xwe bidin partiyê ku gotinên xwe bi cih tînin , Yekîtiya Niştimanî ew e ku dikare rêbaza desthilatdariyê biguherîne û daxwazên we pêk bîne.


PUKMEDIA