Serok Komar û Serok Wezîr: Ev qonax gelek zehmet e û pêwîstî bi yekkirina rêz û axaftinê heye

PUKMEDIA

Serok komar û Serok Wezîr

Roja yekşem 29/9/2024 li Bexdayê, cenabê Serok Komarê Dr.Ebdul Letîf Cemal Reşîd pêşwaziya Serok Wezîr birêz Mihemed Şeya El-Sudanî kir.

Di hevdîtinê de pêşhatên navçeyê bi taybetî piştî zêdebûna tawanên cengê li dijî gelên Lubnan û Filistînê û piştî wê kiryara tawankar ku di encamê de sekreterê giştî yê Hizbullaha Lubnanî şehîd bû, birêz Hesen Nesrullah hate nirxandin.
Her wiha tekez li ser wê yekê hate kirin ku ev qonax gelek zehmete û pêwîstî bi yekrêzî û axaftineke yekgirtî heye, herwiha komkirina hewlên navdewletî ji bo rawestandina kiryarên tundrew bi hemû şêweyên xwe li dijî her du gelên bira bi awayekî ku aramiya rasteqîne li navçeyê pêk bîne û ewlekariya welatiyan biparêze.

Her wiha pêşhatên rewşa welat hatin gotûbêjkirin û tekez li ser pêwîstiya piştevanîkirina bernameya hikûmetê û tiştên ku di heyama borî de hatine encamdan û karkirina ji bo peydakirina aramî û vejandina aborî û civakî û zêdekirina leza geşepêdanê hat kirin.

PUKMEDIA