Talebanî: Alavên çaksazî û serastkirina hikûmetê tenê di destê YNKê de ne

PUKMEDIA

Talebanî li gel berpirsên tîmên ciwanên YNKê

Qubad Talebanî her wiha got: “Ji bilî YNKê, ti aliyeke din amêrên pêwîst ji bo çaksazî û serrastkirina rêbaza hikûmetê nîne.’’

Berpirsê Buroya Sekreteriya Serok Mam Celal, Qubad Talebanî di civîna ligel berpirsên tîmên ciwanên YNKê yên rêveberiya Raperîn de got: “Vê hilbijartinê derfeta herî mezin ji bo YNK’ê ji bo serketinê çêkiriye û armanca sereke ya YNK’ê jî ew e ku di vê hilbijartinê de serkeftineke mezin ji bo sererastkirina rêbaza rêveberiya herêmê tomar bike.’’

Berpirsê Sekreteriya Serok Mam Celal rewşa YNKê di navbera salên 2009 û 2022an de eşkere kir, ku ji dema damezrandina Tevgera Gorran heta piştî sala 2022an roj bi roj lawaz bû û li ser asta herêmî, Iraq û navdewletî bi temamî bêbandor bû, lê ev sê sal in di bin serokatiya Serok Bafil Celal Talebanî de roj bi roj bihêztir bûye.’’

Talebanî got, yên ku Serok Bafil ji nêz ve nas dikin, dizanin ku her soza wî bide dê bi cih bîne. Wî got:“Du sal berê soza hevsengkirina hêzê dabû û ew yek jî kir ji wana serkeftinên li pey hev li Kerkûk û Mûsilê, guhertina yasaya hilbijartinan û gelek serketinên din, niha hem li Iraqê û hem jî li qada navneteweyî de hene.YNK’ê jî beriya 4 salan nekarî reform û guhertinan bike, lê di vê qonaxê de bi serokê xwe yê bi hêz, bi xwe birêxistinkirin û gelek taybetmendiyên din, yekane partiye ku amûrên pêwîst ji bo çaksaziya rastîn heye.Rêya rastkirina rêveberiyê heye û vê carê jî dikare û dê pêk bîne, ji ber ku ev soza Serok Bafil e û daxwaza serkirdayetiyê û hemû kadro, endam û girseyên YNKê ye.’’

Di beşeke din ya civînê de Talebanî eşkere kir ku, rikeberên YNKê vê carê bi serkeftineke me  mezin piştrast in, lewma hewl didin alozî û arîşeyan çêkin û bêhurmetiyê li berbijêr û kesayetên me dikin.

PUKMEDIA