Şêx Cefer: YNK dê bi piştevaniya dengderan wê hevsengiya hêzan biguhere

PUKMEDIA

Şêx Cafer Şêx Mistefa

Berpirsê Encumena Parastina Berjewendiyên Bilind ên Yekîtiya Niştimanî ya Kurdistanê dibêje: Xizmetkirina hemû herêman bi wê yekê bi dest dikeve eger YNK bikare di vê hilbijartinên parlamentoyê de pêşeng be di aliya dengderan de, ji bo ku hevsengiya hêzan biguhere û hikûmeteke ku ji aliyê gel ve tê qebûlkirin li seranserê Kurdistanê ava bike, dê pêk were.

Berpirsê Encumena Parastina Berjewendiyên Bilind ên Yekîtiya Niştimaniya Kurdistanê Şêx Cefer Şêx Mistefa di serdana xwe ya çend gundên Germiyanê de got: Ji dema pêkhatina desteyên destpêkê yên şoreşa nû ve, ji ber dilsoziya gelê herêmê û rewşa dijwar a erdnîgarî, ev dever bûye qada şoreşê û gundiyan mal û xwe ve xistibûn xizmetkirina pêşmergeyan û ji aliyeke din ve jî cane xwe yê pîroz dikirin Qurbana erd û welat. Ji ber vê yekê rêjîma Baasê di dema Enfalê û beriya wê de rûbirûyê wan bû, xelkê wê kuştin û axa wê şewitandin.

Got jî: Li vê deverê pir kêm pirojeyên xizmetguzarî hene û ne li gorî qurbanîdana vê deverê ne, lewra YNKê bernameyek heye ku di paşerojê de baştir xizmeta wan bike û ev yek jî wê pêk were ger YNK di hilbijartinên vê carê yên parlamentoyê de bikaribe bibe pêşeng di wergirtina baweriya dengderan de.

Amaje bi wê yekê jî kir ku di 20/10/2024 de divê bi xwe û malbatên derdora xwe biçin ser sindoqan û dengê xwe bidin Lîsteya 129 û ji desthilatdaran re îsbat bikin ku tayînkirin û dûrxistina wan ji desthilatdariyê bi dengê gelê Kurd e, ji ber wê jî divê rêz li vîna gel bigirin.

PUKMEDIA