Qubad Talebanî: Serdema bikaranîna dengên mirî bo aliyekê bi dawî bûye

Nivîsgeha Ragihandinê Qubad Talebanî

Qubad Talebanî li gel xelkê Hêro û Halşo

Berpirsê Mekteba Sekreteriya Serok Mam Celal, Qubad Talebanî di çarçoveya kampîna bangeşeya hilbijartinên Yekîtî serdana navçeyên Hêro û Halşo û gundên derdora Pişderê kir û ligel rûniştvanên herdu navçeyan civiya.

Qubad Talebanî di her du civînan de ligel rûniştvanên navçeyên Hêro û Halşo de behsa cudahiya di navbera van hilboijartinan û yên berê de kir û ragihand: Di vê hilbijartinê de sextekarî çênabe û ti aliyek nikare bi sextekirina dengên kesên mirî û koçber hewl bide ku di hilbijartinê de bi ser bikeve.

Berpirsê Buroya Sekreteriya Serok Mam Celal jî behsa rewşa YNKê kir û got: Yekîtî di dema Serok Bafil Celal Talebanî de ji çend salên borî gelek cuda ye û niha YNK yekdeng e û tê zanîn ku serkirdeyê YNKê sozên xwe hene û her çi sozê bide dê cîbicî bike.

Qubad Talebanî eşkere kir: Yekîtiya Niştimanî ya Kurdistanê tiştên ku dibêje cîbicî dike û weke ku me got emê dawî li desthilatdariya desthilatdar (xwesepên) li Kerkûkê bînin û parêzgarekî ji Yekîtiya Niştimanî li Kerkûkê destnîşan bikin, me jî ev yek pêk anî û weke ku me sozên salên borî bi cih anî emê jî tiştên ku me ji bo sererastkirina rêbaza rêveberiyê û vegerandina hevsengiya hêzê bi cih bînin.û em bang li welatiyan dikin ku pişt bidin YNK ku rêbaza desthilatdariyê serrast bikin.

Qubad Talebanî her wiha got: Ev hilbijartin derfeteke girîng û mezine ji bo guhertinan û ti hêzek ji bilî Yekîtiya Niştimanî ya Kurdistanê nikare rêgehê rast bike û şêweyê hikûmetê biguhere, lewma serkeftina YNK di hilbijartinên dahatû de deriyê ji bo guhertinên ku welatî bi salan li bendê ne vedike.
PUKMEDIA