Lîsteya 129: Em rê nadin ku yekdestdariya çavkaniyên xwezayî ji aliya malbeke; ve berdewam be

Kurdistan 10:30 AM - 2024-10-07

Lîsta YNK di hilbijartinan de

Yekîtiya Niştimanî ya Kurdistanê hewl dide samanên xwezayî li Herêma Kurdistanê bixe xizmeta xelkê û ji berjewendiyên hizbî dûr bixe û tekezî li ser dûr girtina samanên sirûştî ji wan siyasetên şaş ên ku li Herêma Kurdistanê hene, dike.

Serok Bafil Celal Talebanî: Em gazê radest nakin

 

Serokê Yekîtiya Niştimanî ya Kurdistanê Bafil Celal Talebanî di gotarekê de di dema karnavala girseyî ya lîsteya 129 li bajarê Koyê de got: “Gelek kes ji min dipirsin çima tu li hember gaza Kurdistanê ew qas hişk î, ez qet gazê nadim wan? ya gelê Kurd e û ne ya ti kesî û ne jî ya ti malbatekê ye, em ê ti carî rê nedin siyaseta şaş a ku wan di derbarê petrolê de dimeşiya li gazê nayê kirin, em ê dawî li vê yekê bînin.

Yekdestdariya çavkaniyên xwezayî ji aliyê yek malbatê ve

 

Rêvnîk Yisîn Nebî Mûsa namzedê jimare 7 bo lîsteya 129 ya Yekîtiya Niştimanî ya Kurdistanê ji bo hilbijartinên Parlamentoya Kurdistanê ji bo bazneya Duhokê ji PUKMEDIA re ragihand: Neft, gaz û samanên xwezayî yên Herêma Kurdistanê ti carî nebûne di xizmeta gelê Herêma Kurdistanê de.
Got jî: Samanên xwezayî li herêma Kurdistanê tenê ji bo berjewendiya yek malbat tê firotin ne li gor berjewendiya gele, ji berk u her du sê mehan karmend mûçeyên xwe werdigirin, ew bi peymanên ne yasayî ev 50 salin naftê difroşin Tirkiyê, ev dahat tenê dikeve ser hesabê malbata Barzanî û yekîtiya Niştimanî wê vê yekê bighure.

 

Gaza xwezayî

 

Nadir Mehmûd Mihemed berbijarê jimare 22 bo lîsteya jimare 129 ya Yekêtî ya Niştîmanî ya Kurdistanê li bazneya Silêmanîyê ji PUKMEDIA re ragihand: Serok Bafil Celal Talebanî ti carî razî nabe ku gaza Herêma Kurdistanê wek petrolê ji bo berjewendîyê malbatekê were bikaranîn.
Got jî: Serok Bafil kar dike ku hinardekirina petrol, gaz û samanên xwezayî di berjewendiya xelkê de be, ji ber ku çendîn sal e ku partîya desthilatdar hinartina petrolê ji bo berjewendîyên xwe bikar tîne bila gaza sirûştî jî heman tiştê lê neyê.

Got jî: Yekîtiya Niştimanî dixwaze ji bo berjewendiya hevwelatiyan û dabînkirina mafên wan li gel hikûmeta federal lihev bike, ji ber ku çend sal in partiya desthilatdar nikare xizmeta welatiyan bike û hemû dahatên jêderên sirûştî xistiye berjewendiyên xwe, em dixwazin ku ew dahat têkevin sindoqeke ewle û bi yeksanî li ser navçeyên Herêmê bêne dabeşkirin.

PUKMEDIA