Lîsteya 129 hêza dawîkirinê ye, yên din hêza çirandina posteran e

PUKMEDIA

Lîsteya 129 ya Yekîtiya Niştimanî ya Kurdistanê

Ji despêka Kampanyaya hilbijartinan ya şeşemîn civîna Parlamentoya Kurdistanê re 10 roj derbas bû, lê li Hewlêr û Duhokê helmeta çirandin û têkbirina lîsteya 129 û namzedên  dest pê kiriye.Buroya Hilbijartinan a YNKê derbarê binpêkirinên li lîste û namzetên xwe de raporta xwe  amade kirine.Komîsyona Bilind a Serbixwe ya Hilbijartinan:“Her aliyek ku binpêkirinek hatibe kirin dê were raporkirin û kesê ku binpê bike dê derbikeve pêşberî dadgehê.’’

Posterên YNKê çirandine

Li Hewlêr, Duhok û piraniya deveran posterên namzedan û Lîsteya 129 ya Yekîtiya Niştimanî ya Kurdistanê (YNK) hatine çirandin û berevajîkirin, lê posterên partiyên din li heman cihî û nêzîkî posteran sax in.

Namzedê jimare 5 yê lîsteya 129 ya YNKê li parêzgeha Duhokê Reqîb Mehmûd ji PUKMIDIA re ragihand:“Lîsteya 129 û namzedên wê bi şêweyekî nûjen kampanyayê dikin, lê çend kesên nenas li Duhokê êrişî ofîsa min a kampanyayê kirin û ziyan gihand wê, lê ev kiryarên biçûk me ji armanca mezin a Lîsteya 129 sar nakin ku dawî li vê rejîma otorîter bê anîn.’’

Namzedê jimare 5 yê Lîsteya 129 ya YNKê li parêzgeha Duhokê got: "Emê we vegerînin Lomare û daxwaz bikin ku di demek nêzîk de ev kes bên dadgehîkirin."

Komîsyonê buroya çavdêriyê dike

Komîsyona Bilind a Serbixwe ya Hilbijartinan a Iraqê ragihand ku pêvajoya hilbijartinê didome.Civîna şeşemîn a Parlamentoya Kurdistanê dê di 15ê Cotmehê de xebatên hilbijartinan were sekinandin û hilbijartinên giştî jî di 20 meha Cotmehê de dest pê dike.

Berdevka Komisyona Bilind a Serbixwe ya Hilbijartinan a Iraqê Cumana Ghalayî ji PUKMEDIAê re ragihand:“Kampanyaya hilbijartinan dê bi rêya ofîseke taybet li her çar deverên Hewlêr, Silêmanî, Dihok û Helebce were şopandin û heftane raportên binpêkirinan ji komîsyonê re bên şandin û heta niha zêdetirî 22 gilî li her çar deveran hatine tomarkirin."

"Her hêz an aliyek rastî  binpê kirine  bibe dikare bi rêya ofîsên çavdêriya kampanyayê raporên xwe pêşkêş bike û piştî lêkolîn û rêkarên yasayî, binpêker dê li gorî rêwerzên cîbecî werin cezakirin," Ghalayî got.

Em ê biqedînin

Lîsteya 129 ya YNKê bi 172 namzedan li her çar deveran beşdarî hilbijartinan dibe, yek ji dirûşmên wê yên sereke jî “Em ê bi dawî bikin” e, lê poster û namzedên wê bi taybetî li Hewlêr û Duhokê hatine berevajîkirin.

Namzedê jimare 13 yê Herêma Hewlêrê yê Lîsteya 129 ya YNK'ê Şêrzad Şêxanî dibêje:“Dema ku em hatin Silêmaniyê ji bo beşdarî yekemîn karnavala kampanyayê bibin, kêliyek me nehiştin, lê dema vegeriyan otomobîla min rawestandin û nasnameya min û kurê min xwestin.Paşê ji min re gotin ku ez otomobîlê vekim. Kartonek ji kartên reklama min a ku li ser 129 YNK hatibû nivîsandin dîtin.

“Piştî bendewariyeke dirêj ez çûm rêveberiyê û min dît ku hem nasnameya min û hem jî plaqeya kurê min kopî kirine û xistine nava kompûtera xwe, min ji asayîşê pirsî ka pirsgirêk çi ye? Ew qas bê prensîb bû ku bersiva min neda û piştre destûr dan me , ji ber terora PDKê li Hewlêrê em dixwazin wan tine bikin û dawî li wan bînin."Wiha got.

Buroya Hilbijartinê rapora binpêkirinan pêşkêşî Komîsyonê dike

Buroya Hilbijartinê ya YNK’ê rapora xwe ya li ser binpêkirin û çikandina posterên lîsteya 129’an a YNK’ê û namzetên wê raport amede kiriye  û biryar e ji ofîsên komîsyonê re bişîne.

Berdevkê Buroya Hilbijartinê ya YNK’ê Burhan Hacî Silêman ji PUKMIDYA’yê re axivî :"Li Hewlêr û Duhokê êrîşeke tirsonek li ser posterên namzedan û lîsteya 129 ya YNKê tê kirin, lewma me raportên xwe yên binpêkirinan kom kirine û li gorî zanyariyan bi rêya dezgeha yasayî radestî ofîsa komîsyonê kirine."

Burhan Hacî Silêman got :“Ev binpêkirin nîşana tirs û xofkirina aliyê otorîtere, lewra Lîsteya 129 dê kampanya xwe bi awayê hevdem berdewam bike, yên ku kampanyaya demokrasiyê qebûl nakin, di encama kampaniya ye hilbijartinê de bi demokrasî û ji bo vê hêza YNKê ji bo guhertina rêbaza desthilatdariyê û bidawîkirina rejîma otorîter e.’’

 YNKê li Hewlêrê 64 û li Silêmaniyê jî 72 namzed ,li Helebceyê şeş namzed û li Duhokê jî 30 namzed hene ji bo civîna şeşemîn a Parlamentoya Kurdistanê, bi giştî 172 namzed ve beşdar dibe.

PUKMEDIA