Çetra Kesk...projeyek nû yê lîsteya 129 ye

PUKMEDIA

Hevalên çetra kesk

Yekîtiya Niştimanî ya Kurdistanê kar dike ku çetra kesk weke formeke nû di helmeta xwe ya hilbijartinan de ji bo hilbijartinên Parlamentoya Kurdistanê bikar bîne û xizmetguzariyên tendirustî ji welatiyan re pêşkêş bike.

D. Çiro Şehab endamê desteya cîbicîkirina pirojeyê di daxuyaniyeke taybet de ji PUKMEDIA re ragihand: çetra hilbijartinê yek ji pirojeyên Yekîtiya Niştimanî ya Hilbijartinan bo lîsteya 129 e û li hemû navçeyên hilbijartinan tê cîbicîkirin.

Wê got jî: Me 100 çetrên hilbijartinê li seranserî parêzgeha Silêmaniyê belav kirin û 70 tîmên tendirustiyê û her çetrek ji 5 hevalên lîsteya 129 û 3 karmendên pizîşkî pêk dihat.
Wê diyar kir: çetir li hemû bajar, rêveberiyên serbixwe, navçeyên Herêma Kurdistanê tên dabeşkirin û di wê civînê de bernameya Yekîtiya Niştimaniya Kurdistanê ya ji bo hilbijartinan tê şirovekirin û zelalkirin, hemwelatî bi namzedan tên nasandin û hemwelatî tên agahdarkirin ku çawa deng bidin lîsteya 129.

Çiro Şehab got: Di çetrê de tîmên tendirustî û xwebexş hene ku hemû pêdiviyên tendirustiyê hatine dabînkirin û ev tîman bê pere pişkinîna pizîşkî ji welatiyan re dikin û ev yek jî îsbat dike ku Yekîtî di xema welatiyan de ye û li ser daxwazên wan dixebite.

Yekîtiya Niştimanî bi 172 namzetan beşdar dibe

Yekîtiya Niştimanî ya Kurdistanê bi beşdariya 172 namzedan di hilbijartinên Parlamentoya Kurdistanê de li ser her çar bazneyan (Hewlêr, Silêmanî, Duhok, Helebce) hatiye dabeşkirin û rêjeya zêde ya namzedan zêdetir ji beşê ciwanan û derçû bawernameyên akademîkin. 68 namzed ji bo Parêzgariya Hewlêrê, 72 berbijêr bo Parêzgariya Silêmaniyê, 30 namzed bo Parêzgeha Duhokê û 6 berbijêr bo Parêzgeha Helebce.
Di dema diyarkirina namzedên YNK de rêjeya jinan li ber çavan hat girtin ku ji 172 namzedan 62 namzedên jin in.
Komîsyona Bilind a Serbixwe ya Hilbijartinan ew e ku dê hilbijartinên Parlamentoya Kurdistanê li gorî yasaya hilbijartinê û li gorî dabeşkirina kursî û navçeyên hilbijartinan ku ji aliyê desteya dadwerî ve hatiye pesendkirin birêve bibe. Hilbijartinên Parlamentoya Kurdistanê jî dê li gorî tomara dengderan ku ji aliyê Komîsyona Bilind a Serbixwe ya Hilbijartinan ve tê birêvebirin, were kirin.

PUKMEDIA