Qubad Talebanî: YNKê biryara guhertina awayê rêvebirina herêmê daye

PUKMEDIA

Qubad Talebanî

Serokê Ofîsa Sekreteriya Serok Mam Celal Qubad Talebanî li rêveberiya Raperîn bi serokên tîmên tenduristiyê yên kampîna hilbijartinê ya Lîsteya 129 a YNK'ê re hevdîtin kir.

Di hevdîtinê de, Qubad Talebanî pirsgirêkên sektora tendirustiyê li Herêma Kurdistanê gotûbêj kirin û spasiya pizîşk û xebatkarên tenduristiyê yên ku di deh salên borî de ji ber şerê li dijî DAÎŞê, pirsgirêka darayî û belavbûna vîrusa Koronayê rastî zextên giran hatine kir.

Wî got: Ez piştrast im ku piraniya bijîşk û xebatkarên tenduristiyê ji şêwaza rêveberiya heyî, rewşa sektora tenduristiyê û rewşa jiyana xwe ne razî ne û daxwaza guhertineke bingehîn di şêwaza rêveberiyê de dikin.

Talebanî di beşeke din ya civînê de behsa girîngiya hilbijartinên vê civîna parlementoya Kurdistanê kir û got: Cûdahiya di navbera vê hilbijartinê de ew e ku encam dê bibe sedema guhertinan û YNKê piştî 3 salan ji xwerêxistinkirin û xwe bihêzkirin, biryarek yekcarî ji bo guhertina awayê rêveberiya Herêma Kurdistanê daye.

Berpirsê Ofîsa Sekreteriya Serok Mam Celal got jî: “Gelê Kurdistanê berê ezmûnên wan bi partiyên ku qala guhertinê dikirin hene, lê ji ber ku îmkan û hêza pêwîst ji bo guhertinê tunebûn di wê yekê de bi ser neketin lê rewş xirabtir bû, lê îro Yekitiya Niştimanî ya bi serokatiya Bafil Celal Talebanî bi tevahî amade ye guhertinan pêk bîne, lewra divê girseya Kurdistanê derfetê bide Yekîtiya Niştimanî û deng bidin Lîsteya 129, ji ber ku serkeftina Yekîtiya Niştimanî di van hilbijartinan de serkeftina hemû gelê Kurdistanê ye.

PUKMEDIA