Talebanî: Bernameyeke me ya bihêz heye bo xizmetkirina girseyan

PUKMEDIA

Civînên birêz Qubad Talebanî bi gel re

Di çarçoveya civîn û hevdîtinên xwe yên li gel çîn û beşên civakê yên li îdareya Raparînê de, berpirsê sekreteriya Serok Mam Celal ,Qubad Talebanî li gel tîma rêkxistinên demokratîk yên kampaniya ragehandinê ya Yekîtiya Niştimanî ya Kurdistanê bo hilbijartinên Parlamentoya Kurdistanê civiya. 

Di hevdîtinê de Qubad Talebanî amaje bi wê yekê jî kir, ku ti aliyekî siyasî li qasî Yekîtiya Niştimanî ya Kurdistanê, qurbanî û şehîd nedaye  û em Xwedî pilan û pirojeyên saxlem in ji bo xizmetkirina welatiyên Herêma Kurdistanê.

Berpirsê sekreteriya Serok Mam Celal  teqez kir:"Di van sê salên borî de, di bin çavdêriya Serok Bafil  de, Yekîtiya Niştimanî ji nû ve xwe organîze kir, daxwazên girseyan şopand û bernameyeke diyarkirî ji bo cîbicîkirinê heye. 

Wî di beşeke din ya civînê de diyar kir, "Di heyamên berê de, baweriya ciwanan bi Yekîtiya Niştimanî lawaz bû, ji ber ku rêjeyeke mezin ji ciwanan hilbijartinên berê boykot kirin. Lê bi hewlên Serok Bafil, lihevhatin bi hejmareke mezin ciwanan re pêk hat û ev ji bo Serok Bafil  û YNKê  di dema niha de serkeftinek mezin tê hesibandin."

Qubad Talebanî got: “Dijberên me ji her demê bêhtir ji Yekîtiya Niştimanî û hêza wê ditirsin, bi taybetî ku Yekîtiya Niştimanî hemû deriyên sextekariyê girtiye, ji ber wê jî serkeftineke mezin li benda Yekîtiya Niştimanî û dengderên Yekîtiyê ye .Ji her kesî re dilniya dikin ku em ê vê serketina mezin di sererastkirina rêbaza rêveberiyê û xizmetkirina gel de pêk bînin."

PUKMEDIA