Talebanî biryar daye mûçeyê xanenişînên hêzên 70 bide

PUKMEDIA

Civînên Cigîrê Serokwezîr yên Leşkerî

Cîgirê Serokwezîrê Herêma Kurdistanê Qubad Talebanî biryar da ku tevahiya mûçeyên xaneşînê Hêzên 70’î yên ku mûçeyên wan di tengasiyê de bûn,bide.

Cîgirê Serokwezîrê Herêma Kurdistanê Qubad Talebanî daxwaz ji Fermandarê Hêza 70-ê Serleşker Omer Salih Hesen kir ku mûçeyê xanenişînên Hêzên 70-ê bide,di bersiva daxwaza fermandeyê hêza 70 da û fermana dayîna mûçeyê temamê xanenişînên hêzên 70 ku mûçeyên wan di tengasiyê de ne, da.
Pêştir Cîgirê Rêveberê Hêza 70 ya xanenişînî Adel Mela Tahir ji malpera fermî ya Yekîtiya Niştimanî ya Kurdistanê (PUKMEDIA) re gotibû:“Bi derengîkirina mûçeyên efser û pêşmergeyên xanenişîn ên hêzên 70’ê, mebesta acizkirin û bêhêvîkirina wan e ku salên dirêj têkoşiyane û xizmet kirine. Em di wê baweriyê de ne ku hikûmet vê pirsgirêkê ji bo hilbijartinan bikar tîne.’’

Yên ku mûçeyên rêveberiya xanenişîniya hêzên 70-ê distînin, ew pêşmerge ne ku dema qanûnî ya xizmetguzariyê temam kirine û li gorî yasaya xizmetguzarî û xanenişîniyê ya sala 2007 û rêwerzên derbasdar dê xanenişîn bibin.

Niha piştî ku Bexda li ser rêza serastkirina mûçeyan hat, divê kar li gorî yasaya yekgirtî ya xanenişînan a Iraqê were cîbicîkirin, ku ev yek jî aloziyek çêkiriye û pêwîstî bi dem heye heta ku prosedur bên cîbicîkirin.

PUKMEDIA