Letîf Nêrweyî: Serkeftina Lîsta 129 dê aramiyê vegerîne Badînan`ê

PUKMEDIA

Berpirsê Burda Ragihandina YNK`ê

Letîf Nêrweyî; Berpirsê Burda Ragihandina Yekîtiya Nîştimaniya Kurdistan`ê (YNK) ragihand ku, serkeftina YNK`ê li Badînan dê bibe sedemek ji bo vegerandina aramiyê bo herêmê; û tevî ku druşmeya yek aliyekî aramiyê ye, lê aramî li vê herêmê nemaye; lewra dengdan bi YNK`ê dikare ne dadî, ne wekhevî û nebûna azadiyê bi dawî bike.

Berpirsê Burda Ragihandinê ya Yekîtiya Nîştimaniya Kurdistan`ê (YNK) got: Em hêvîdar in ku YNK`ê li Badînan`ê gelek dengên zêde bi dest bixe û tevlî serketinên din yên YNK`ê yên li Herêma Kurdistan`ê bibe, daku em dawiyê li ne dadî, ne wekhevî û nebûna azadiyê bînin; û her kes li vê herêmê azad be.

Letîf Nêrweyî; got: Aliyek siyasî hertimî behsa aramiyê dike di demekê de ku xelkê Amêdiyê di navbera du çiyayan de ne ku çi çiyayek ji wan çiyayn di bin destên hêzên Pêşmergeyên Kurdistan`ê de nîne; li vir hêzên din jî hene lê ne xelkê Herêma Kurdistan`ê ne, berdewam dengên firokeyan û bombebaranê heya û jiyana xelkê vê herêmê zehmet kiriye û di metirsiyê de ne û ji aliyê canî jî di metirsiyê de ne.

Aşkere jî kir ku; xelkê Badînan`ê hêjayî jiyaneke baştir in; lewra dengdana wan bi lîsta 129 ya YNK`ê dê jiyaneke tijî azadî û dadperweriyê ji bo wan bîne.

PUKMEDIA