Bi amadebûna Serok Bafil... Lîsteya 129 şeşemîn kernavala xwe li dardixe

PUKMEDIA

Serok Bafil Celal Talebanî

Bi amadebûna serokê Yekîtiya Niştimanî ya Kurdistanê Bafil Celal Talebanî biryare siba Duşemê 14/10/2024 li bajarê Duhokê şeşemîn kernavala kampîna hilbijartinan û nasandina namzedên lîsta 129 wê were lidarxistin.

Berdevkê Lîsteya 129 KErwan Geznayî di daxuyaniyekê de ku wêneyek jê gihîşte PUKMEDÎAyê ragihand: Şeşemîn kernaval ji bo nasandina namzedên lîsteya jimare 129 ji bo hilbijartinên Parlamentoya Kurdistanê li bajarê Duhokê tê lidarxistin.
Kerwan Geznayî got jî: Di karnavalê de Bafil Celal Talebanî Serokê Yekîtiya Niştimanî ya Kurdistanê dê ji welatiyên Duhok, Amêdî, Zaxo, Akrê, Şêxan, Berdereş, Batîva û bi giştî girseya gelê Kurdistanê re gotarek pêşkêş bike.

Yekîtiya Niştimanî bi beşdariya 172 berbijêran li her çar navçe û bazneyên helbijartinan (Hewlêr, Silêmanî, Duhok û Helebce) beşdarî hilbijartinên şeşemîn civîna Parlamentoya Kurdistanê dibe, ku biryar e roja 20/10/2024 were lidarxistin bi bilindkirina dirûşma (Bidawîkirina desthilatdariya xwesepên û sererastkirina rêbaza desthilatdariyê).
Hejmara namzedên herêma Hewlêrê 64, li Silêmaniyê 72, li Duhokê 30, li herêma Helebce jî 6 kes in.


PUKMEDIA