YNK pabendbûna xwe bi biryara Komîsyonê piştrast dike û kampîn rawestand

PUKMEDIA

Komisyona bilind a hilbijartinan û parlemana herêmê

Li gor biryara Komîsyona Bilind a Serbixwe ya Hilbijartinan nîvê şeva 15/10/2024ê, kampîna propagandaya hilbijartinên şeşemîn civîna Parlamentoya Kurdistanê bi dawî hatin.

Yekîtiya Niştimanî ya Kurdistanê weke hêza sereke ya siyasî ya Kurdistanî ya beşdar di hilbijartinan de, pabendbûna xwe bi biryara Komisyonê ragihand û di kenalên xwe yên medyayî yên curbicur de kampîna hilbijartinê rawestand.

Piştî du rojan ji rawestandina kampînan, roja Îna bê 18/10/2024, proseya dengdana taybet bo hilbijartinan birêve diçe û dengdana giştî jî roja yekşemê 20/10/20 dê birêve biçe. Di her du operasyonan de jî sindoqên dengdanê demjimêrê heftê sibehê de tên vekirin û demjimêr şeşê êvarê tên girtin û dema dengdanê nayê dirêjkirin.

Parlamentoya Kurdistanê ji 100 kursî pêk tê, 5 kursî bo kotaya pêkhateyan, 2 kursî ji bo tirkmenan, 2 kursî ji bo mesîhiyan û kursiyek jî ji bo ermeniyan. kursî li ser 4 bazneyan hatine dabeşkirin, li navçeya Hewlêrê 36 kursî hene, ku 2 kursî ji bo Tirkmenan û mesîhiyan in, navçeya Silêmaniyê 38 kursî ne, 2 ji wan jî bo Tirkmenan û Xiristiyanan in, Duhok 25 kursî yek kursî ê pêkhateya Ermenî ye û navçeya Helebce 3 kursî heye û %30 ji kursiyan ji jinan re hatiye veqetandin.

Di hilbijartinên Parlementoya Kurdistanê de 139 lîste beşdar dibin, ji wan du hevpeymanî, 13 partî û 124 berbijêrên takekesî ji wan 85 berbijêrên giştî û 39 namzedên pêkhateyan ji wan: 19 namzedên mesîhî bi vî awayî hatine dabeşkirin: Hewlêr 7, Silêmanî 4, û Duhok 8 namzet. û 20 namzedên tirkmen jî bi vî awayî hatine belavkirin: Hewlêr 14, Silêmanî 6 namzed.

Hilbijartin ji aliyê Komîsyona Bilind a Serbixwe ya Hilbijartinan a Êraqê ve tê birêvebirin û li gorî amarên ku PUKMEDIA ji Komîsyonê wergirtine, 35 rêxistin û medyayên navdewletî, 13 konsulxane, 12 hezar û 972 nûnerên aliyên siyasî, 15 partiyan, 1098 çavdêrên herêmî û 28 rêxistinên xwecihî hatine tomarkirin ji bo şopandina hilbijartinên şeşemîn rûniştina parlamentoya Kurdistanê .

Komisyonê amaje bi wê yekê jî kir, ku hejmara giştî ya dengderan li Herêma Kurdistanê 2 milyon û 683 hezar û 618 dengderan e ji bo dengdana giştî û 215 hezar û 960 dengderan jî bo dengdana taybet.

PUKMEDIA