PDKê li ser hilbijartina parêzgarê Kurd li Kerkûkê giliyê li dadwerî tomar dike

PUKMEDIA

Kerkûk

Di rûniştina ku Rêbwar Taha wek parêzgarê Kerkûkê hat hilbijartin, Partiya Demokrat bi fermî nerazîbûna xwe li hember helbijartina parêzgarê kurd li Kerkûkê bi tomarkirina giliya betalkirina biryarên Encûmena Parêzgeha Kerkûkê ragihand.

Li gorî belgeyên ku îro ketine destê PUKMEDIA ’yê, PDKê  bi rêya endamên Encumena Parêzgeha Kerkûkê Hesen Mecîd û Şûxan Hesîb li Dadgeha Îdarî li dijî Serokê Encûmena Parêzgeha Kerkûkê gilî tomar kiriye û daxwaza betalkirina biryarên Encûmena Parêzgeha Kerkûkê kiriye ku  Roja 10.08.2024ê Civîna Encûmena Parêzgeha Kerkûkê ku tê de parêzgarê Kerkûkê Rêbwar Taha hat hilbijartin, îro 16.10.2024ê wek rojekê diyar kiriye.

Êvariya roja 10.08.2024ê Civîna Encûmena Parêzgeha Kerkûkê birêve çû û di civînê de Serokê Hevpeymaniya Hêza me û îradeya me ya Kerkûkê ji Kurdan Rêbwar Taha wek parêzgarê Kerkûkê hat hilbijartin . Di civînê de 9 endam, 5 endamên Fraksiyona YNKê, 3 endamên civaka Ereb û nûnerekî Xiristiyanan, 7 endaman jî ,ku  2 endamên Fraksiyona Partiya Demokrata Kurdistanê, 2 endamên Tirkmen û 3 endamên civata Ereban, civîn boykot kirin. 

Hemû pêkhate, Kurd, Ereb, Tirkmen û Xiristiyan jî di nav de, beşdarî Encûmena Xwecihî ya Kerkûkê dibin.

Roja 18.12.2023ê hilbijartinên encumenên parêzgehên Iraqê birêve çû û hevpeymaniya Kerkûkê ya Hêz û îradeya me ku ji Yekîtiya Nîştimanî û Partiya Komunîst a Kurdistanê pêk tê, 5 kursiyên encûmenê bi dest xistin, wate piraniya dengan li ser astê Parêzgarê Kerkûkê, bi 157 hezar û 639 dengan, %43ê hemû dengên parêzgarê ye.

PUKMEDIA