Berdevka Komisyonê: Her dengderek pencemora wî nebe nikare deng bide

PUKMEDIA

Cumane Gelayi

Komisyona Bilind ya Serbixwe ya hilbijartinên Êraq`ê ragihand ku her dengderekî ji bo Parlemana Kurdistan`ê eger pencemora wî neyê xwendin ew nikare dengê xwe bide; û hemû wan dengûyan jî red dike ku li hindek kenal û malperan hatine belavkirin; ku dibêjin: Ew kesên pencemora wan neyên xwendin jî dikarin dengên xwe bidin.

Cûmane Xelayî; Berdevka Komisyona Bilind ya Serbixwe ya hilbijartinên Êraq`ê ji PUKMEIA Malpera fermî ya Yekîtiya Nîştimaniya Kurdistan`ê (YNK) ragihand ku; komîsyon rê nade her dengderekî ku beşdarî proseya dengdanê bibe, eger pencemora wî neyê xwendin, wek ku di gelek daxuyaniyan beriya niha de hatibûn belavkirin.

Berdevka Komisyona Bilind ya Serbixwe ya hilbijartinên Êraq`ê got: Me çi daxuyanek ji çi dezgehên ragihandinê nedaye ku wek tê gotin: Ew dikarin bi riya kartên biyometrîk û navên xwe yên di lîsta dengderan de dengên xwe bidin; eger di pencemora wan de çi pirsgirêkek hebe; navbirî got: Ev hemû cûrên nûçeyan bi vî awayî ji rastiyê dûr in û em red dikin.

Ev yek di demekê de ye ku, biryar e; sibê roja Înê proseya Dengdana Taybet ji bo Hilbijartina Gera Şeşem ya Parlemana Kurdistan`ê bi rêve biçe; û roja Yekşemê jî rêkefta 20- 10 -2024 an Dengdana Giştî dê birêve biçe ku Komîsyona Bilind ya Serbixwe ya Hilbijartinan ya Êraq`ê dê wê proseyê bi rêve bibe.


PUKMEDIA