Peyvdara Komisyonê: Rêjeya Dengdana Taybet ji sedî 97 bû

PUKMEDIA

Cûmane Xelayî

Peyvdara Komisyonê ragihand ku; Rêjeya dengdana taybet ji bo Hilbijartina Gera Şeşem ya Parlemana Kurdistan`ê ji sedî 97 bû û zêdetirî 208 hezar dengderan jî dengên xwe dan.

Cûmane Xelayî; Berdevka Komisyona Bilind ya Serbixwe ya Hilbijartinan ya Êraq`ê ji PUKMEDIA'yê re ragihand, ji koma 215 hezar û 960 dengdêran di dengdana taybet de 208 hezar û 521 dengdêran dengên xwe dane ku dike ji sedî 97.

Cûmane Xelayî got: Di proseyê de 926 çavdêrên navxwe û navdewletî û 3 hezar û 750 nûnerên aliyan çavdêriya dengdana teybet kirin.

 Cûmane Xelayî aşkere jî kir ku ji tevaya hejmara dengdêrên taybet 203 hezar û 773 dengder ji regezê nêr û 4 hezar û 748 jî ji regezê mê bûn; û ew prose bi serkeftî birêve çû.

Berdevka Komisyona Bilind ya Serbixwe ya Hilbijartinan ya Êraq`ê ragihand ku, rêjeya dengdanê li Hewlêr`ê ji sedî 97, li Silêmaniyê ji sedî 97, li Duhok`ê ji sedî 98 û li Helebce jî ji sedî 96 bû.

Îro roja Înê rêkefta 18-10-2024an demjimêr 07:00 danê sibehê deriyên navendên dengdanê yên taybet li Herêma Kurdistan`ê ji dengderan re hatin vekirin û piştî 11 demjimêran heman rojê demjimêr 6ê êvarê bi dawî bû; ku amêrên dengdanê rawestiyan û dengdana taybet bi dawî bû; li gor zanyariyên PUKMEDIA, li her çar bazineyên Hewlêr, Silêmanî, Duhok û Helebce 215 hezar û 960 dengdêr dikarin dengê xwe bidin dengdana taybet.

Piştî derbazbûna 6 salan, sibeha îro dengdana taybet ji bo Hilbijartina Gera Şeşem ya Parlemana Kurdistan`ê birêve çû; û biryare roja Yekşem`ê rêkefta 20-10-2024 an jî Dengdana Giştî ji bo Hilbijartina Gera Şeşem ya Parlemana Kurdistan`ê birêve biçe.

PUKMEDIA