Şalaw Kosret Resûl: Li Hewlêrê dengên YNKê du qat zêde bûne

Nivîsgeha Ragihandinê ya Şalaw Kosret Resûl

Serokê Lîsta YNK li Hewlêrê

Serokê Lîsta Yekîtiya Niştimanî ya Kurdistanê (YNK) li parêzgeha Hewlêrê Şalaw Kosret Resûl piştî ragihandina encamên destpêkê yên hilbijartinên Parlamentoya Kurdistanê ji aliyê Komîsyona Bilind a Serbixwe ya Hilbijartinan a Iraqê ve peyamek parve kir û got:'' Bi germî pîrozbahiyê li gelê Kurdistanê û alîgirên YNKê dikim.''

Serokê Lîsta YNKê li Hewlêrê Şalaw Kosret Resûl di peyama xwe de wiha got:''Bi boneya bi dawî hatina gera şeşem a hilbijartinên Parlamentoya Kurdistanê û bi coşeke mezin a welatiyan di proseya hilbijartinan de, pîrozbahiyên xwe pêşkêşî gelê Kurdistanê bi giştî û bi taybetî alîgirên YNKê dikim.''

Ev nêzîkatî ji bo me di nava YNK'ê de, bi taybetî li Hewlêrê gelekî girîng bû. Ez spasiya hemwelatiyên Hewlêrê, dengder û endam û alîgirên YNKê yên li Hewlêrê dikim ku bi coşeke mezin beşdarî proseyê bûne. Di encamê de me bi awayekî serkeftî dengên YNKê du qat zêde kir û min di nav namzedên Kurdistanê de dengên herî zêde bi dest xist, ev jî bû qonaxeke girîng ku erkekî zêdetir li ser milê min ferz dike.

Em her kesî dilniya dikin ku emê berdewam bin li ser xebata Kurdistanê bi giştî û Hewlêrê bi taybetî û li gel we bin û berevaniyê li mafên we û xizmeta we bikin.

Şalaw Kosret Resûl

Serokê Lîsteya YNKê li parêzgeha Hewlêrê

PUKMEDIA