Serkirdayetiya YNK hilbijartin û encamên xwe dinirxîne

PUKMEDIA

Civîna encumena serkirdayetiya YNK

Serokê Yekîtiya Niştimanî ya Kurdistanê Bafil Celal Talebanî îro serpereştiya civîna Encûmena Serkirdatiyê dike ku ev yekemîn civîna encûmenê ye piştî hilbijartinên gera şeşem a parlamentoya Kurdistanê.

Berdevkê Yekîtiya Niştimanî ya Kurdistanê Seidî Ehmed Pîre ji PUKMEDIA re wiha got: Civîna encûmena serkirdatiyê ji bo nirxandina hilbijartinan, encam û mijarên girêdayî wê tê lidarxistin.

Di du rojên derbasbûyî de Serok Bafil serpereştiya civîna Mekteba Siyasî kir. Li gor daxiyaniya mekteba siyasî: Gel û hevrêyên Kurdistanê beşdarî kampîn û dengdanê bûn, ku serweriyeke mezin di duqatkirina dengên YNKê de tomar kir û bi kampîna xwe ya bi coş a bi serokatiya Serok Bafil, karî peyama serrastkirina rêbaza desthilatdariyê û avakirina hevsengiya hêz bikin. Her ev peyam dê bibe nexşerêya siyaseta paşerojê ya YNKê di nûkirina demokratîk û dadperwerane ya proseya siyasî û sîstema desthilatdariyê di hemû waran de, ku hemû jî dê xizmeta jiyan û jiyana gelê me dibe.

Civîna berê ya Encûmena Serkirdatiya YNKê, roja 1/9/2024 li bajarê Hewlêrê ku bi serokatiya Serokê YNKê Bafil Celal Talebanî hatibû lidarxistin ku mijara sereke ya amadekariyên YNKê bû ji bo kampîna hilbijartinên 20ê Cotmehê ku têde YNK dengên zêde bi destxist.

Li gorî encamên destpêkê yên Komîsyona Bilind a Serbixwe ya Hilbijartinan, Yekîtiya Niştimanî ya Kurdistanê (YNK) di gera şeşem a hilbijartinên Parlamentoya Kurdistanê li 4 bazneyên dengdanê 408 hezar û 141 deng bidest xistiye, ji wan li Hewlêrê 110 hezar û 353 deng, li Silêmaniyê 256 hezar û 813 deng, li Duhokê 28 hezar û 445 deng û li Helebce jî 12 hezar û 530 deng bidest xistine.

PUKMEDIA