Hevpeymaniya Sosyal Demokrat pîrozbahî li YNKê kir

PUKMEDIA

Logoya YNK û Yekîtiya Sosyal Demokrat a Ereban

Koordînatorê Giştî yê Hevpeymaniya Sosyal Demokrat a Erebî bi boneya serkevtina YNK  a girîng di hilbijartinên Parlamentoya Kurdistanê de, peyameke pîrozbayî pêşkêşî Serok,serkirdatî û endamên Yekîtiya Niştimanî ya Kurdistanê (YNK) kir.

Hevpeymaniya Sosyal Demokrat a Erebî peyama xwe ji YNKê re ragihand:

Birêzan Serkirdayetî  û endamên rêzdar Yekîtiya Niştimanî ya Kurdistanê

Weke Kordînatorê Giştî yê Hevpeymaniya Sosyal Demokrat a Erebî, ji dil û can pîrozbahiyên xwe pêşkêşî we dikim ji ber serkeftina we di hilbijartinên Parlamentoya Herêma Kurdistanê de. Ev serkeftin tê wateya baweriya xelkê bi hewlên we, baweriya wan bi prensîbên we û pabendbûna we ji bo xizmetkirina herêmê û daxwazên xelkê wê ji bo pêşerojeke geş û aram.

Em hêvîdar in ku ev serkeftin hevkarî û yekrêziya di nava parlementoyê de zêdetir bike û partiya we ya binirx roleke berçav di aramî û geşepêdanê de bilîze û bi vê yekê xwestekên xelkê Herêmê ji bo berjewendî û bexteweriya wan pêk bîne.

Em ji Xwedê dixwazin ku di xebatên we yên siyasî de bextewariyê bide we û destkeftiyên din ên ku xizmeta berjewendiya mezintir dikin hêsan bike.

Basim Kamel

Koordînatorê Giştî yê Hevbendiya Sosyal Demokrat a Erebî

26ê cotmeha 2024an

*Hevbendiya Sosyaldemokrat a Erebî weke çarçoveyeke siyasî ya hevbeş ji bo partiyên sosyal demokrat, rêxistinên ciwan û jinan li seranserî cîhana Erebî û her wiha tora hevrêziyê ji bo berpirsên hilbijartî kar dike. Ji derdora 12 partiyan pêk tê û têkiliyên xwe yên xurt bi Yekîtiya Niştimanî ya Kurdistanê re hene.

PUKMEDIA