Encumena Nûneran deng li ser vegerandina milkan ji xwediyên wê re dide

PUKMEDIA

Encumena nûnerên Êraqê

Biryare ku îro Yekşemê encûmena nûneran rûniştina xwe ya yasayî ji bo dengdanê li ser hejmare pirojeyasa li darbixe di nav de yasaya vegerandina mal û milkan ji xwediyên wan re.

Biryarderê fireksiyona Yekîtiya Niştimanî ya Kurdistanê di encumena nûneran de Kerwan Yarwês di daxuyaniyeke ji PUKMEIDA re ragihand ku: Îro Yekşemê Civata Nûneran dê rûniştina xwe li dar bixe û li gorî lîsta kar wê encumen dê deng li ser 3 proje yasayan bide ya herî girîng qanûna vegerandina milkan ji xwediyên wan yên kurd re, ku bi hin biryarên Encumena serkirdayetiya Şoreşger a hilweşiyayî hatiye girtin û ya duyemîn jî ew yasaya lêborîna giştî û guhertina yasaya rewşa kesane ye.

Got jî: Pejirandina yasaya betalkirina hin biryarên Encûmena Serkirdayetiya Şoreşê dê bibe alîkar bo vegerandina milk û zevî bo xwediyên wan û jinavbirina bandorên erebkirin û derbiderkirinê kurdane, ev pirojeyeke girînge ji kurdan re.

Biryarderê fireksiyona Yekîtiya Niştimanî diyar kir: Yekîtiya Niştimanî gelek hewl da û serdana fireksiyonên parlemanî û partiyên siyasî kir ji bo pesendkirina proje yasaya vegerandina mal û milk ji xwediyên wan û betalkirina biryarên Encûmena Serkirdayetiya Şoreşê ya hilweşiyayî û hemû pêkhate sûdê ji pesendkirina vê qanûnê li navçeyên nekok werdigirin.
Yarwês diyar kir: Bi pesendkirina vê projeyê, zêdetirî milyon donim zevî dê li Kerkûk û navçeyên nekokbar ji xwediyên wan re were vegerandin û her sal kêşeya ku di navbera xwediyên wan erdan de ku bi biryarên Baas hatine binpêkirin, tê nûkirin.

PUKMEDIA