Îro li firokexaneyên Silêmanî û Hewlêrê dolar bi nirxê fermî tê wergirtin

Ajans

dolar

Nûner Biryar Reşîd ragihand, ji îro yekşemê ve Banka Navendî ya Êraqê dê li firokexaneyên Silêmanî û Hewlêrê navendên firotina dolar ji geştiyaran re veke.

Nûnera Yekîtiya Niştimanî ya Kurdistanê Dr.Biryar Reşîd ji PUKMEDIA re ragihand: Me daxwaz ji Banka Navendî ya Êraqê û Banka Bazirganî ya Êraqê kir ku, wek balafirxaneyên din û deriyên sînorî li deverên din yên Êraqê li firokexaneyên Silêmanî û Hewlêrê diravê biyanî (dolar) bidin geştiyaran.

Wî eşkere kir: Ji bo vê yekê erêkirin hatin wergirtin û biryar hat dayîn ku ji îro yekşemê ve proseya dana dolaran bo geştiyaran li her du firokexaneyan bi nirxê fermî li gorî mekanîzmayên diyarkirî dest pê bike û tekezî li ser wê yekê hat kirin ku geştyar dikarin heta sê hezar dolar heta mehekê bikirin.

Ji aliyê xwe ve, Banka Bazirganî ya Êraqê berdewamiya cîbicîkirina pilana berfirehkirina bankê û vekirina şax û navendên nû bi armanca gihandina xizmetguzariyên bankî ji hemû xelkê re û cîbicîkirina rênmayên serokwezîr Mihemed Şeya El-Sûdanî ji bo xizmetên herî baş pêşkêşî welatiyan dikin.

Bankê di daxuyaniyekê de herwiha got: Em bi kêfxweşî vekirina du bankan li firokexaneyên Hewlêr û Silêmaniyê ji we ra radigihînin.


PUKMEDIA