Fermangeha Medya û Zanyarî helwesta hizib û karê hikûmetê têkel dike

PUKMEDIA

Logoya Asayîşê

Fermangeha Medya û Zanyarî ku ser bi Hikûmeta Herêma Kurdistan`ê ve ye; li gorî ejnideya liqê Partiya Demokrata Kurdistan`ê (PDK) û kabîneya wê kar dike,bi bê çi pîverek û rapirsiyekê ku saziyek bê alî encam dabe,  10 kenal û Malper rêz bend kiriye û ew tometbar kirine bi belavkirina ne nûçeyên xapandin û ne rast.

Partiyek diyarîkirî bi riya saziyên hikûmetê kar ji bo sînordarkirina azadiyê, tometbarkirin û cudakariyê dike; 10 kenal û Malperên ku Fermangeha Medya û Zanyarî ew cuda kirine bi karên ne rast tometbar kirine di demekê de ku çi yek ji wan li sînorê Hewlêr, Duhok û deverên din yên di bin kontrola (PDK`ê) de nîne;di demekê de ku çendîn kenal li Hewlêr`ê hene ku rojane nûçeyên sexte û derew diweşînin, lê yek ji wan di rêzbenda fermangehê de nehatine tomarkirin.

Fermangeha kabîneya nehemîn ; her yek ji NRT, Wajû, SNN, Peyam, Elî Heme Salih, Sepêde, KNN, Kubas, Biwar û Şar Prêss ku hemû li sînorê Silêmaniyê ne rêzbend kiriYe û wan bi xapandin û belavkirina nûçeyên çewt tometbar dike.

Li hemberî wê yekê; Rawêj Kameran; Şîretkar û Sernivîserê Kubas ji Malpera fermi yê Yekîtiya Nîtimaniya Kurdistan`ê (YNK`ê) PUKMEDIA re ragihand: Fermangeha Medya û Zanyarî ku bi navê Hikûmeta Herêma Kurdistan`ê diaxive; û bi dahata hikûmetê tê birêvebirin; pêwîste ew agahiyên ku ew diweşîne bê alî û rast bin, lê em dibînin ku çi ji van her du pîvanan dûr in û wq ketiye xizmeta liqê partiyek ya siyasî.

Got jî: Em wan zanyariyên ku ji aliyê Fermangeha Medya û Zanyarî hatine belav kirin, ku hemû medyayên parêzgeha Silêmaniyê tometbar dikin red dikin; û em di wê baweriyê de ne ku ew fermangeh ketiye xizmeta kes û liqê partiyekê, ku bi bûdce û dahata giştî tê birêvebirin.

PUKEMDIA