Nebûna Biyometrî metirsiyê li ser mûçeyên 6 Hezar kesûkarên şehîdan çêdike

PUKMEDIA

Diravê Êraqê

Metirsiya birîna mûçeyên 6 Hezar kesûkarên Şehîd û Enfalkiriyên sînor Rêveberayetiya Karûkarên Şehîd û Enfalkiriyên Silêmaniyê heye ku kodên wan yên Biyometrî yên mûçeyên nîne, Rêveberê Giştî yê Karûbarên Şehîdan jî daxwaz ji wan dike ku di zûtirîn dem de karûbarên girêdayî mûçeyên Biyometrî temam bikin.

Edîb Letîf; Rêveberê Giştî yê Karûbarên Şehîdan û Qurbaniyên Enfalê yê Silêmaniyê ji malpera fermî ya Yekîtiya Nîştimanî ya Kurdistan`ê (YNK ) PUKMEDIA re ragihand : Ew kesûkarên şehîdan ku heta niha bîyometrî yên xwe dernexistine, divê heta 20-11-2024an serdana navenda herî nêzîk ya Biyometrî bikin, berûvajia wê yekê mûçeyê wan dê bên birîn.

Edîb Letîf got: Hê jî 6 Hezar kes ji kasûkarên şehîdan hene ku UPN nekirine; lewra em daxwaz ji wan dikin ku di zûtirîn dem de pêvajoya biyometrî bi dawî bikin, tevî ku 11 Hezar ji wan berê UPN nekiribûn, ev mehek e ku hindek kesan dest bi UPNan kirine, û lê hin kesan jî kirine.

Tenê 20 roj mane ji bo mûçexwerên ku proseya biyometrî pêk ne anîne, bi kesûkarên şehîd û qurbaniyên Enfakiriyan jî di nav de ne, ji ber wê jî divê di zûtirîn dem de wê proseyê bidawî bikin; daku metirsî li ser mûçeyên wan nemîne.

Rêveberê Giştî yê Karûbarên Şehîdan û Enfalkiriyan yê Silêmaniyê got: Her kesê ku mûçexwerê hikûmeta Herêma Kurdistan`ê be; û koda wî ya biyometrî nebe, heta 20-11-2024 an ji aliyê Wezareta Darayî ya Hikûmeta Federal ve mûçeyê wan dê were rawestîn; ji ber vê yekê mûçeya bîyometrî li hemû dezgehên karûbarên şehîdan dê were çêkirin û hûn dikarin serdanê bikin.

PUKMEDIA