Ji bo qerebûkirina maddeya 140ê ya Kerkûkê nêzî 6 milyar dînar tê xerckirin

PUKMEDIA

Kerkûk

Berpirsê ofîsa Kerkûkê ragihand, hikûmeta Iraqê dê 5 milyar û 940 milyon dînar weke qerebû ji ofîsa Komîteya Cîbicîkirina Madeya 140 a Kerkûkê re bişîne û got:“Wan dest bi parvekirina  tazmînatê kiriye, ku dê nêzîkî 500 malbat sûdê jê werbigirin.’’

Berpirsê ofîsa lijneya cîbicîkirina madeya 140 li Kerkûkê birêz Reş Sadiq ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Di nava 10 rojên derbasbûyî de me 400 çeqên bi nirxê 4 milyar dînar weke qerebû ji bo penaberan wergirtine. Piştî vegerê me dest bi belavkirina çeqan ku 10 milyon dînare bo yên Kerkûkê li ser malbatên penaberên ku navên wan vegeriyane, kiriye.’’

Her wiha got: “Duh hikûmeta Iraqê 97 çeq li malbatên penaberên Ereb ên ku ji derve dihatin veguhestin, ku buhayê wan 1 milyar û 940 milyon dînar e, ku divê malbat biçin Bexdayê daku çekên xwe werbigirin, ku 20 milyon dînar e.’’

Berpirsê ofîsa lijneya cîbicîkirina madeya 140 li Kerkûkê got:“Em weke ofîsa Komîteya Cîbicîkirina Madeya 140 li Kerkûkê, ji bo qerebûkirina malbatên ku heta niha nehatine qerebûkirin, xebatên me didomin.’’

PUKMEDIA