198 gilî li ser encamên hilbijartinan hatine tomar kirin

PUKMEDIA

Komisyona Hilbijartinan

Piştî ragihandina encamên şeşemîn xola Parlamentoya Kurdistanê, heta niha 198 gilî ji aliy partî, lîste, sazî û namzedan li ser encamên hilbijartinan hatine tomarkirin û divê komîsyon di nava 10 rojan de van giliyan çareser bike.

Komîsyona Bilind a Serbixwe ya Hilbijartinan encamên dawî yên Parlamentoya Herêma Kurdistanê di roja 30ê Cotmehê de eşkere kir û ragihand: Ji aliyê partî, lîste, sazî û namzetan ve 198 gilî li ser pêvajoyê û encamên hilbijartinê hatine kirin û ji desteya dadwerî ya komisyonê re hatine şandin.

Li gorî qanûnê, piştî ragihandina encamên dawî yên hilbijartinan, partî, sazî û namzed, sê roj ji bo giliyan li pîşêne, piştî ku gilî hat kirin, piştî wan giliyan Desteya Dadwerî ya Hilbijartinan dê di nav 10 rojan de giliyan yekalî bike.

Di 18ê Cotmehê de hilbijartinên taybet û di 20 de jî hilbijartinên giştî yên şeşemîn xola Parlamentoya Kurdistanê hatin lidarxistin, berevajî hilbijartinên berê, hilbijartin li ser 4 bazneyan hat dabeşkirin û hejmara kursiyên parlamentoyê daxist 100 kursiyan.
 Di vê navberê de, Yekîtiya Niştimanî ya Kurdistanê (YNK) 23 kursiyên parlamentoyê û 409 hezar û 548 deng li her çar bazneyên hilbijartinê bi dest xist.

 
PUKMEDIA