Fireksiyona YNK: Tewtîn pirsgirêka mûçe bi yekcarî çareser dike

Kurdistan 04:29 PM - 2024-11-01

Dînarên Êraqî

Yekîtiya Niştimanî ya Kurdistanê di Encumena Nûneran de tekezî li ser pêwîstiya cîbicîkirina mûçeyên fermanberên Herêma Kurdistanê ( tewtînkirin)li gel bankên federal kir ji bo misogerkirina dabeşkirina mûçeyan.
Nûnera Yekîtiya Niştimanî ya Kurdistanê Sirwe Mihemed ji PUKMEDIA re ragihand: Ji bo garantîkirina mûçeyên karmendên Herêma Kurdistanê, divê mûçe li bankên federal bên tewtînkirin û pirsgirêkên berê bên çareserkirin û dûbare nebin.
Wê got jî: Tewtînkirin pirsgirêka pilebilindkiirna karmendan çareser dike û wek parêzgehên din, karmend li Herêma Kurdistanê jî dê ji bilindkirina kar sûd werbigirin.

Hewldan berdewam in

 

Hewldanên Yekîtiya Niştimanî ya Kurdistanê ji bo cîbicîkirina biryara Dadgeha Federalî ya ji bo tewtînkirina mûçeyên karmendên Herêma Kurdistanê di bankên federal de berdewam in.

Di vê derbarê de raportorê Yekîtiya Niştimanî Kerwan Yarwês di daxuyaniyekê de ji PUKMEDIA re ragihand: Yekîtiya Niştimanî dest bi kampîna komkirina îmzeya nûneran li ser yadaştnameyê ji bo piştevanîkirina biryara Dadgeha Federalî ya derbarê tewtînkirina mûçeyên karmendên herêmê di bankên hikûmeta Êraqê de kir.

Kerwan Yarwês her wiha got: Heta niha 125 parlamenteran li ser yadeştnameya Yekîtiya Niştimanî ya Kurdistanê îmze kirine ku di nav wan de 10 serkirdeyên fireksiyonan hene û dê kampîn ji bo komkirina îmzeyên zêde berdewam be.


PUKMEDIA