Talebanî: YNK ji bo avakirina hikûmetê nêrîna xwe heye

Daxuyaniya Qubad Talebanî

Cîgirê Serokwezîr û Balyozê Amerîka li Iraqê

Îro 04.11.2024 li Hewlêrê Cîgirê Serokwezîrê Herêma Kurdistanê Qubad Talebanî pêşwaziya Balyoza Amerîka li Iraqê Alina Romanowski bi amadebûna Konsulê Amerîka li Herêma Kurdistanê Steve Bettner û Cîgirê Wezîrê Çavkaniyên Sirûştî Ehmed Muftî kir , her du aliyan rewşa Herêma Kurdistanê ya piştî hilbijartinan û mekanîzmayên pêkanîna hikûmeta nû gotûbêj kirin.

Qubad Talebanî eşkere kir ku YNK nêrîna xwe ya ji bo avakirina hikûmetê heye û di vê pêvajoyê de ji hemû kesên nêzî wê nêrînê re vekirî ye.

Her du alî li ser giringiya pêkanîna Hikûmeta Herêma Kurdistanê û bilezkirina proseyê û rêgirtin li her rûdaneke nexwastî ya navçeyî û herêmî hemfikir bûn.Talebanî tekez kir ku YNK hewl dide hikûmeteke niştimanî ya berpirs li hember gelê Kurd pêk bîne ku bi awayekî adil û hevseng li ser bingehê şirîkatiyeke rasteqîn kar bike.

Di derbarê peywendiyên di navbera Herêma Kurdistanê û Bexdayê û pirsgirêkên navçeyê de, tekezî li ser pabendbûna bi destûrê û karkirina hevbeş ji bo nehiştina aloziyan û çareserkirina pirsgirêkan li ser bingeha diyalog û berjewendiyên hevbeş hat kirin.

PUKMEDIA